Vande Bharat : ప్రయాణికుల సౌలభ్యాన్ని దృష్టిలో ఉంచుకుని, భారతీయ రైల్వే తాజాగా వందే భారత్ (Vande Bharat) ఎక్స్ప్రెస్ రైళ్లలో చివరి నిమిషంలో టికెట్ బుకింగ్ సదుపాయాన్ని ప్రవేశపెట్టింది. ఈ కొత్త ఫీచర్తో, ప్రయాణికులు రైలు వారి బోర్డింగ్ స్టేషన్ నుంచి బయలుదేరే 15 నిమిషాల ముందు వరకు టికెట్లు బుక్ చేసుకునే అవకాశం పొందుతున్నారు.
ఈ సదుపాయం ప్రస్తుతానికి దక్షిణ రైల్వే జోన్ (South Railway Zone) పరిధిలో నడుస్తున్న ఎనిమిది వందే భారత్ రైళ్లకు మాత్రమే పరిమితం. వీటి ద్వారా తమిళనాడు, కేరళ, కర్ణాటక, ఆంధ్రప్రదేశ్లలోని ప్రధాన మార్గాలు కవర్ అవుతున్నాయి.
Vande Bharat – ఆవశ్యకతపై దృష్టి
పనుల కారణంగా, అత్యవసర పరిస్థితులలో లేదా హఠాత్తుగా ప్రయాణించాల్సిన సందర్భాల్లో టికెట్ పొందడం సవాలుగా మారుతున్న నేపథ్యంలో, ఈ సదుపాయం ప్రయాణికులకు ఎంతో ఉపయోగకరంగా మారనుందని రైల్వే అధికారులు భావిస్తున్నారు. ఇప్పటివరకు వందే భారత్ (Vande Bharat) రైళ్లు ప్రారంభమైన తర్వాత టికెట్లు బుక్ చేయడం సాధ్యపడేది కాదు.
టెక్నాలజీ ఆధారంగా సేవలు
ఈ సేవ అమలులోకి రావడం ద్వారా, ప్యాసింజర్ రిజర్వేషన్ సిస్టమ్ (PRS) ను రైల్వే విభాగం సాంకేతికంగా అప్గ్రేడ్ చేసింది. దీంతో ఖాళీ సీట్లు రియల్ టైమ్లో కనపడే విధంగా మారాయి. ఇకపై ప్రయాణికులు తమ స్టేషన్ నుండి రైలు బయలుదేరే 15 నిమిషాల ముందువరకు సీటును రిజర్వ్ చేసుకోవచ్చు.
గత విధానంతో తేడా
ఇంతకు ముందు విధానంలో, రైలు ప్రారంభమైన తర్వాత, దారిలోని ఇతర స్టేషన్ల ప్రయాణికులు టికెట్లు బుక్ చేసుకునే అవకాశం ఉండేది కాదు. సీట్లు ఖాళీగా ఉన్నా కూడా ప్రయాణికులకు లభించేవి కావు. ఇప్పుడు ఈ కొత్త విధానం వల్ల చిన్న పట్టణాల ప్రయాణికులకు కూడా ప్రయాణానికి అవకాశాలు పెరిగే అవకాశం ఉంది.
చివరి నిమిషం బుకింగ్ అందించే వందే భారత్ రైళ్లు:
- 20631 మంగళూరు సెంట్రల్ – తిరువనంతపురం సెంట్రల్
- 20632 తిరువనంతపురం సెంట్రల్ – మంగళూరు సెంట్రల్
- 20627 చెన్నై ఎగ్మోర్ – నాగర్కోయిల్
- 20628 నాగర్కోయిల్ – చెన్నై ఎగ్మోర్
- 20642 కోయంబత్తూర్ – బెంగళూరు కాంట్
- 20646 మంగళూరు సెంట్రల్ – మడ్గావ్
- 20671 మధురై – బెంగళూరు కాంట్
- 20677 డాక్టర్ MGR చెన్నై సెంట్రల్ – విజయవాడ
ఆక్యుపెన్సీ అంచనాలు
వందే భారత్ రైళ్లు ఇప్పటికే 100 శాతానికి మించిన ఆక్యుపెన్సీతో నడుస్తున్నాయి. రైల్వే శాఖ ఇచ్చిన సమాచారం ప్రకారం, 2024-25 ఆర్థిక సంవత్సరంలో 102.01 శాతం, అలాగే 2025-26లో 105.03 శాతం ఆక్యుపెన్సీ నమోదైనట్లు రైల్వే మంత్రి అశ్విని వైష్ణవ్ ఇటీవల లోక్సభలో తెలిపారు.
Also Read : Canara Bank New Interest : సేవింగ్స్ అకౌంట్లు, డిపాజిట్లపై వడ్డీ రేట్లను సవరించిన కెనరా బ్యాంకు