Supreme Court : మధ్యప్రదేశ్లో కలుషిత దగ్గు సిరప్ తాగి పిల్లలు మరణించారనే ఆరోపణలు దేశవ్యాప్తంగా ఆందోళన కలిగిస్తున్నాయి. ఈ ఘటనపై సీబీఐ దర్యాప్తు కోరుతూ సుప్రీం కోర్టులో పిటిషన్ (PIL) దాఖలైంది.
పిటిషనర్ విశాల్ తివారీ దాఖలు చేసిన పిల్లో, కలుషిత మందుల తయారీ, పంపిణీ, నియంత్రణ వంటి అంశాలపై దర్యాప్తు జరపాలని కోరారు.
Supreme Court – రిటైర్డ్ న్యాయమూర్తి పర్యవేక్షణలో దర్యాప్తు
పిటిషన్లో, ఈ కేసులను రిటైర్డ్ సుప్రీం కోర్టు (Supreme Court) న్యాయమూర్తి పర్యవేక్షణలో విచారణ చేయాలని, లేదా జాతీయ న్యాయ కమిషన్ లేదా నిపుణుల కమిటీని ఏర్పాటు చేయాలని కోరారు.
అలాగే, అన్ని ఎఫ్ఐఆర్లను సీబీఐకి అప్పగించాలని సుప్రీంకోర్టును కోరారు.
తక్షణ చర్యలపై డిమాండ్లు
పిటిషన్లో భాగంగా పిటిషనర్ తివారీ ఈ కీలక డిమాండ్లను ఉంచారు:
దేశంలో ఉన్న అన్ని దగ్గు సిరప్లకు నాణ్యతా పరీక్షలు తప్పనిసరి చేయాలి.
నిందిత కంపెనీ తయారు చేసిన అన్ని మందుల అమ్మకాలు, పంపిణీ వెంటనే నిషేధించాలి.
DEG (డైథిలిన్ గ్లైకాల్), EG (ఇథిలిన్ గ్లైకాల్) వంటి విషపూరిత రసాయనాల కోసం ప్రతి సిరప్పై తప్పనిసరి పరీక్షలు జరపాలని CDSCO, కేంద్ర ప్రభుత్వాన్ని ఆదేశించాలని కోరారు.
కొత్త పర్యవేక్షణ వ్యవస్థ అవసరం
అతను కేంద్ర ప్రభుత్వాన్ని మరో కీలక సూచన చేశారు —
“కలుషిత లేదా నకిలీ మందులను నిజ సమయంలో గుర్తించేందుకు ‘డ్రగ్ రీకాల్ అండ్ ఫార్మకోవిజిలెన్స్ పోర్టల్’ ఏర్పాటు చేయాలి,” అని పిటిషన్ పేర్కొంది.
అలాగే, పిల్లల ఔషధాల భద్రతను నిర్ధారించేందుకు ‘జాతీయ ఔషధ రీకాల్ విధానం’ మరియు ‘టాక్సికోలాజికల్ సేఫ్టీ ప్రోటోకాల్’ రూపొందించాలని కోరారు.
ప్రజారోగ్య వైఫల్యంపై తీవ్ర విమర్శ
పిటిషన్లో పేర్కొన్నట్లు, DEG, EG వంటి విషపూరిత రసాయనాలతో కలుషితమైన సిరప్లు మధ్యప్రదేశ్తో పాటు ఇతర రాష్ట్రాల్లో కూడా పిల్లల మరణాలకు కారణమయ్యాయి. ఇది ప్రజారోగ్య వ్యవస్థలో తీవ్ర వైఫల్యానికి సూచికగా పేర్కొంది.
ఈ కేసు విచారణను సుప్రీం కోర్టు త్వరలో పరిశీలించనున్నట్లు సమాచారం.
Also Read : Nitin Gadkari – EV New Innovation : త్వరలో భారీగా తగ్గనున్న ఈవీ ధరలు