Nitin Gadkari : దేశంలో ఎలక్ట్రిక్ వాహనాల (EVs) వినియోగం వేగంగా పెరుగుతోంది. పెట్రోల్, డీజిల్ ధరలు నిరంతరం పెరుగుతున్న నేపథ్యంలో వాహనాలు కొనుగోలు చేయాలనుకునే వారు ఇప్పుడు ఈవీల వైపు మొగ్గు చూపుతున్నారు. అయితే ఇప్పటికీ ఈవీల అధిక ధరలు కొనుగోలుదారులను కొంత వెనక్కు నెడుతున్నాయి.
ఈ అధిక ధరలకు ప్రధాన కారణం బ్యాటరీల వ్యయం కావడంతో, బ్యాటరీ సమస్యల వల్ల రిపేర్ ఖర్చులు కూడా ఎక్కువవుతున్నాయి. ఈ నేపథ్యంలో చాలా మంది వినియోగదారులు ఈవీ కొనుగోలుపై సందిగ్ధంలో ఉన్నారు.
Nitin Gadkari – త్వరలో ఈవీల ధరలు తగ్గనున్నాయి
రోడ్ ట్రాన్స్పోర్ట్, హైవేస్ మినిస్టర్ నితిన్ గడ్కరీ (Nitin Gadkari) ఈవీ వినియోగదారులకు శుభవార్త చెప్పారు. ఆయన ప్రకారం, త్వరలో ఎలక్ట్రిక్ వాహనాల ధరలు గణనీయంగా తగ్గనున్నాయి. సోమవారం నాడు ఎఫ్ఐసీసీఐ కార్యక్రమంలో పాల్గొన్న ఆయన మాట్లాడుతూ –
“నేను ఎలక్ట్రిక్ వాహనాలు లాంచ్ చేసినప్పుడు బ్యాటరీ ధర కిలోవాట్-పర్ అవర్కి 150 డాలర్లు ఉండేది. ఇప్పుడు అది 55–65 డాలర్ల మధ్య ఉంది. రాబోయే 4 నుండి 6 నెలల్లో ఎలక్ట్రిక్ స్కూటర్లు, కార్లు, బస్సుల ధరలు పెట్రోల్, డీజిల్ వాహనాల స్థాయిలో ఉంటాయి,” అని గడ్కరీ వెల్లడించారు.
వ్యవసాయ రంగానికి కూడా క్లీన్ ఎనర్జీ దిశలో పిలుపు
అలాగే ఆయన, “ట్రాక్టర్లు తయారు చేసే సంస్థలు మరియు వ్యవసాయ పరిశోధకులు క్లీన్ ఎనర్జీ ఆధారిత పరికరాలపై దృష్టి పెట్టాలి. ఇథనాల్తో నడిచే ఎలక్ట్రిక్ ట్రాక్టర్లు, ఇంజిన్లు తయారు చేసే దిశగా ముందుకు సాగాలి,” అని సూచించారు.
నిపుణుల ప్రకారం, బ్యాటరీ టెక్నాలజీ అభివృద్ధి, దేశీయ ఉత్పత్తి పెరుగుదల, ప్రభుత్వ ప్రోత్సాహకాలు వంటి అంశాలు ఈవీ ధరలను త్వరలో తగ్గించనున్నాయి. దీంతో భారత మార్కెట్లో ఎలక్ట్రిక్ వాహనాల వినియోగం మరింతగా పెరిగే అవకాశముందని పరిశ్రమ వర్గాలు అంచనా వేస్తున్నాయి.
Also Read : Gold Price Growth : ఒకే రోజులో అత్యంత గరిష్ట స్థాయికి చేరిన పసిడి ధరలు