TVK Vijay : చెన్నై – దళపతి విజయ్ సారథ్యంలోని టీవీకే పార్టీ రెండో అధికారికంగా భారీ సభ గురువారం మధురైలో జరగనుంది. ఇప్పటికే భారీ ఎత్తున ఏర్పాట్లు చేశారు. ఇదిలా ఉండగా చిన్నపాటి అపశ్రుతి చోటు చేసుకుంది. సమావేశం సందర్బంగా సభా ప్రాంగణంలో ఏర్పాటు చేసిన జెండా స్తంభం ఒకటి కూలి పోయింది. ఈ ఘటనలో కారు ధ్వంసమైంది. కానీ ఎలాంటి ప్రాణ నష్టం సంభవించలేదు. 100 అడుగుల జెండా స్తంభం కూలి పోయినా సభకు ఎలాంటి ఆటంకం కాదని పేర్కొన్నారు పార్టీ ప్రతినిధులు. కాగా మధురై సమీపంలోని పరపతిలోని 500 ఎకరాల ఖాళీ మైదానంలో తమిళగ వెట్రి కజగం (టీవీకే) రెండవ రాష్ట్ర సమావేశానికి సన్నాహాలు జోరుగా జరుగుతున్నాయి. రాష్ట్రం నలు మూలల నుండి పార్టీ కార్యకర్తలు అక్కడకు చేరుకుని అధ్యక్షుడు విజయ్ (TVK Vijay) ప్రసంగం వినడానికి సిద్ధంగా ఉన్నారు.
TVK Vijay Key Meeting Updates
ప్రాంగణం సందర్శకులు, మీడియా వ్యక్తులతో సందడిగా ఉన్నప్పటికీ, కూలిపోయిన జెండా స్తంభం పార్క్ చేసిన కారును మాత్రమే దెబ్బతీసింది. విజయ్ తో పాటు పార్టీలోని అగ్ర నాయకులు ఇప్పటికే మధురై నగరానికి చేరుకున్నారు, ‘మనస్సాక్షి ప్రజాస్వామ్యం’ అనే ఆలోచనను తన పార్టీ నిర్వచించే సూత్రంగా ప్రచారం చేశారు విజయ్ . సమావేశ వేదిక వద్ద సి ఎన్ అన్నాదురై, ఎం జి రామచంద్రన్ చిత్రపటాలను ఉంచడం ద్వారా 1967, 1977 నాటి రాజకీయ జ్ఞాపకాలను గుర్తు చేసుకున్నారు. 1967లో అన్నాదురై నేతృత్వంలో డిఎంకె అధికారంలోకి వచ్చిన విధంగా, ఎఐఎడిఎంకె డిఎంకెను ఓడించి 1977లో ఎంజిఆర్ నాయకత్వంలో అధికారాన్ని చేజిక్కించుకున్న విధంగా 2026లో తన నాయకత్వంలో మార్పు వస్తుందని విజయ్ ధీమా వ్యక్తం చేస్తున్నారు.
Also Read : Ashwini Vaishnaw – Railway New Innovation : సెప్టెంబర్ 9 నుంచి భారత్ గౌరవ్ టూరిస్ట్ రైలు