VinFast : వియత్నాం ఆటోమొబైల్ బ్రాండ్ విన్ఫాస్ట్ భారత మార్కెట్లో అధికారికంగా ప్రవేశించింది. కంపెనీ తాజాగా VF 6, VF 7 ప్రీమియం ఎలక్ట్రిక్ SUVలు విడుదల చేస్తూ, తూత్తుకుడిలో ఏర్పాటు చేసిన కొత్త ప్లాంట్లో ఉత్పత్తిని ప్రారంభించింది. ఈ కర్మాగారం దేశీయ అవసరాలతో పాటు ఎగుమతులకూ కేంద్రంగా పనిచేయనుంది. 2017లో స్థాపించబడిన ఈ సంస్థకు ఇది ఒక కీలక మైలురాయి అని నిపుణులు చెబుతున్నారు.
VinFast – వినియోగదారుల కోసం ప్రత్యేక ఆఫర్లు
భారత మార్కెట్లో తన స్థానాన్ని బలపరచుకోవడానికి విన్ఫాస్ట్ (VinFast) ఆకర్షణీయమైన ఓనర్షిప్ ప్యాకేజీలను ప్రకటించింది.
- 2028 జూలై వరకు ఉచిత ఛార్జింగ్ సౌకర్యం
- మూడు సంవత్సరాల ఉచిత మెయింటెనెన్స్ సేవలు
- 10 సంవత్సరాలు లేదా 2 లక్షల కిలోమీటర్ల వరకు వారంటీ
మార్కెట్ లక్ష్యం
భారతీయ వినియోగదారులు ఇంకా పెట్రోల్, డీజిల్ వాహనాల నుండి ఎలక్ట్రిక్ వాహనాల వైపు మారడంలో జాగ్రత్తగా వ్యవహరిస్తున్న నేపథ్యంలో, విన్ఫాస్ట్ అందిస్తున్న ఈ సౌకర్యాలు నమ్మకాన్ని పెంచుతాయని పరిశ్రమ నిపుణులు అభిప్రాయపడుతున్నారు.
భారత్లో ఎలక్ట్రిక్ వాహనాల విభాగంలో పోటీ వేడెక్కుతున్న వేళ, విన్ఫాస్ట్ తొలి అడుగుతోనే బలమైన ప్రభావాన్ని చూపించబోతోందని విశ్లేషకులు భావిస్తున్నారు.
Also Read : Stock Market Shocking : గత 3 రోజులుగా లాభాల్లో నడిచిన మార్కెట్..నేడు కాస్త వెనక్కి