Walnuts : ఆరోగ్యానికి మేలు చేసే ఆహార పదార్థాల జాబితాలో వాల్నట్స్ (ఆక్రోట్లు) కీలక స్థానం దక్కించుకున్నాయి. నిత్యం వీటిని ఆహారంలో భాగంగా తీసుకుంటే చెడు కొలెస్ట్రాల్ స్థాయిని తగ్గించడంతో పాటు గుండె ఆరోగ్యం మెరుగుపడుతుందనేది తాజా అధ్యయనంలో వెల్లడైంది.
స్పెయిన్కు చెందిన డే లా బార్సిలోనా విశ్వవిద్యాలయం శాస్త్రవేత్తలు నిర్వహించిన ఈ పరిశోధనలో సుమారు 628 మంది స్ధిర ఆరోగ్య పరిస్థితులున్న వలంటీర్లను పరిశీలించారు. వారిలో కొంతమందికి ప్రతిరోజూ అరకప్పు వాల్నట్స్ (Walnuts) ఆహారంగా ఇవ్వగా, మిగిలినవారికి సాధారణ డైట్ను కొనసాగించారు. రెండేళ్లపాటు సాగిన ఈ పరిశోధన ఫలితాలు గణనీయంగా ఉన్నాయి.
Walnuts – ప్రధాన అంశాలు:
- ప్రతిరోజూ వాల్నట్స్ తీసుకున్నవారిలో చెడు కొలెస్ట్రాల్ (LDL) స్థాయిలో సగటున 8.5 శాతం తగ్గుదల నమోదైంది.
- వాల్నట్స్ తినడం వల్ల గుండెకు సంబంధించిన ప్రమాదాలు తగ్గుతాయని, శరీరంలోని కొలెస్ట్రాల్ సమతుల్యతకు ఉపకరిస్తుందని శాస్త్రవేత్తలు తెలిపారు.
- అమెరికన్ హార్ట్ అసోసియేషన్ ప్రకారం, వాల్నట్స్లో ఒమేగా-3 ఫ్యాటీ యాసిడ్లు పుష్కలంగా ఉంటాయి. ఇవి సాధారణంగా చేపల ద్వారా లభ్యమయ్యే ప్రాముఖ్యమైన పోషకాలు.
ఇతర ఆరోగ్య ప్రయోజనాలు:
వాల్నట్స్ గుండెకు మాత్రమే కాకుండా మెదడు ఆరోగ్యాన్ని కూడా మెరుగుపరచే లక్షణాలు కలిగి ఉన్నాయి. గర్భిణీ స్త్రీలు వీటిని ఆహారంలో భాగంగా తీసుకుంటే, గర్భంలో పెరుగుతున్న శిశువు మెదడు అభివృద్ధిపై సానుకూల ప్రభావం చూపుతుందని నిపుణులు అభిప్రాయపడుతున్నారు.
వైద్య నిపుణుల సూచన:
పోషకాహార నిపుణుల మాటల్లోకి వస్తే – వాల్నట్స్ను అతి ఎక్కువగా కాకుండా, మితంగా ప్రతి రోజు తీసుకోవడం మంచిదని సూచిస్తున్నారు. ముఖ్యంగా ప్రాసెస్డ్ ఫుడ్స్ తక్కువగా తీసుకునే వారికి ఇది సహజంగా హృదయ సంరక్షణలో కీలక పాత్ర పోషించగలదని చెబుతున్నారు.
ఈ పరిశోధన ద్వారా మరోసారి తేలిన విషయం ఏమిటంటే, సరైన ఆహారాన్ని ఎంపిక చేసుకోవడం ద్వారా గుండె సంబంధిత వ్యాధుల నివారణ సాధ్యమే. వాల్నట్స్ వంటి సహజ ఆహార పదార్థాలను నిత్య జీవితంలో భాగం చేసుకోవడం ఆరోగ్యాన్ని గణనీయంగా మెరుగుపరచగలదని అధ్యయనం స్పష్టం చేస్తోంది.
Also Read : Eggs Dangerous Facts : మీరు గుడ్లు వీటితో తింటున్నారా? అయితే మీరు అనారోగ్యాన్ని కొటుక్కునట్టే