BJP : హైదరాబాద్ : తెలంగాణ ప్రభుత్వంపై తీవ్ర ఆగ్రహం వ్యక్తం చేశారు బీజేపీ (BJP) అధ్యక్షుడు రాం చందర్ రావు. రాష్ట్రంలో రూ. 8 వేల కోట్ల ఫీజు బకాయిలను విడుదల చేయాలని డిమాండ్ చేశారు. బకాయిలు భారీగా ఉండటం వల్ల కళాశాలల ఆర్థిక పరిస్థితి తీవ్రంగా ప్రభావితమైందని, వీటిలో చాలా వరకు ప్రొఫెసర్లు, లెక్చరర్లు, ఉపాధ్యాయులకు జీతాలు చెల్లించలేక పోతున్నాయని ఆవేదన వ్యక్తం చేశారు. ప్రైవేట్ కళాశాల యాజమాన్యాలు తమ బోధన, బోధనేతర సిబ్బంది జీతాలు చెల్లించలేక పోతున్నందున తెలంగాణలో ఉన్నత విద్య సంక్షోభంలో ఉందని ఆయన నొక్కి చెప్పారు.
BJP Demand
ప్రభుత్వం నుండి పెరుగుతున్న ఫీజు రీయింబర్స్మెంట్ బకాయిల మొత్తం రూ.8,000 కోట్లను విడుదల చేయాలని డిమాండ్ చేస్తూ ప్రైవేట్ కళాశాలలు పిలుపునిచ్చిన బంద్కు పార్టీ పూర్తి మద్దతు ఇస్తుందని ఎన్. రాంచందర్ రావు ప్రకటించారు. తెలంగాణలో 2,000 పీవీటీ కళాశాలలు బకాయిల కారణంగా మూతపడ్డాయని పేర్కొన్నారు. మరికొన్ని కళాశాలలు , విద్యా సంస్థలు మూత పడేందుకు సిద్దంగా ఉన్నాయన్నారు. . రెండు సంవత్సరాలు అధికారంలో ఉన్నప్పటికీ, రేవంత్ రెడ్డి నేతృత్వంలోని కాంగ్రెస్ ప్రభుత్వం ఈ బకాయిల కోసం ఒక్క రూపాయి కూడా విడుదల చేయ లేదని ఆరోపించారు. దారుణమని మండిపడ్డారు ఎన్ రామచందర్ రావు. మంత్రులు గత ఆరు నెలలుగా ఖాళీ వాగ్దానాలు చేస్తూ, ఒక తీర్మానాన్ని హామీ ఇస్తున్నప్పటికీ, పెండింగ్ చెల్లింపులను విడుదల చేయడానికి స్పష్టమైన నిర్ణయం తీసుకోలేదని ఆరోపించారు. , పదవీ విరమణ చేసిన ఉపాధ్యాయులకు కూడా పెన్షన్లు చెల్లించడం లేక పోవడం పట్ల ఆవేదన చెందారు.
Also Read : Sourav Ganguly Fired on PCB : పాకిస్తాన్ క్రికెట్ బోర్డుపై భగ్గుమన్న దాదా