Stock Market : దేశీయ స్టాక్ మార్కెట్ నాలుగు రోజుల లాభపరంపరకు బుధవారం ముగింపు పలికింది. పెట్టుబడిదారులు లాభాల స్వీకరణకు మొగ్గుచూపడంతో సూచీలు స్వల్ప నష్టాలతో ముగిశాయి.
Stock Market Sensational
ట్రేడింగ్ ముగిసే సమయానికి బీఎస్ఈ సెన్సెక్స్ 153.09 పాయింట్లు పడిపోయి 81,773.66 వద్ద, అలాగే ఎన్ఎస్ఈ నిఫ్టీ 62.15 పాయింట్లు తగ్గి 25,046.15 వద్ద స్థిరపడ్డాయి.
బ్లూచిప్ స్టాక్స్ అయిన ఆర్ఐఎల్, హెచ్డీఎఫ్సీ బ్యాంక్, అలాగే ఆటో, రియల్ ఎస్టేట్, బ్యాంకింగ్ రంగ షేర్లలో లాభాల స్వీకరణ అమ్మకాలు సూచీలపై ఒత్తిడి తెచ్చాయి.
ఇక రెండో త్రైమాసికం (Q2) కంపెనీల ఆర్థిక ఫలితాలపై పెట్టుబడిదారుల్లో ఉన్న అనిశ్చితి కూడా మార్కెట్ దిశపై ప్రభావం చూపిందని జియోజిత్ ఇన్వెస్ట్మెంట్స్ లిమిటెడ్ రీసెర్చ్ హెడ్ వినోద్ నాయర్ వ్యాఖ్యానించారు.
విశ్లేషకుల ప్రకారం, రాబోయే రోజుల్లో కంపెనీల త్రైమాసిక ఫలితాలు, అంతర్జాతీయ మార్కెట్ల దిశ, విదేశీ పెట్టుబడిదారుల ప్రవాహం వంటి అంశాలు మార్కెట్ దిశను నిర్ణయించనున్నాయి.