Minister Jyotiraditya : దేశ డేటా వనరులు, స్పెక్ట్రమ్ ఆస్తులను రక్షించేందుకు కేంద్ర ప్రభుత్వం కీలక నిర్ణయం తీసుకుంది. రూ.900 కోట్ల వ్యయంతో జాతీయ శాట్కామ్ పర్యవేక్షణ కేంద్రం (National Satcom Monitoring Centre) ను ఏర్పాటు చేయనున్నట్లు కేంద్ర టెలికం మంత్రి జ్యోతిరాదిత్య సింధియా (Minister Jyotiraditya) బుధవారం ప్రకటించారు.
Union Minister Jyotiraditya M Scindia Key Update
ఇండియన్ మొబైల్ కాంగ్రెస్ (IMC) సదస్సులో ‘శాటిలైట్ కమ్యూనికేషన్స్’ అంశంపై జరిగిన సమావేశంలో ఆయన మాట్లాడుతూ, “దేశీయ శాట్కామ్ మార్కెట్ గత ఏడాది 430 కోట్ల డాలర్ల స్థాయికి చేరుకుంది. 2033 నాటికి ఇది 1,500 కోట్ల డాలర్ల మార్కెట్గా మారవచ్చని అంచనా,” అన్నారు.
ప్రస్తుతం ప్రభుత్వం శాటిలైట్ ఆధారిత వేగవంతమైన బ్రాడ్బ్యాండ్ సేవల కోసం యూటెల్శాట్ వన్వెబ్, స్టార్లింక్ (ఎలాన్ మస్క్ సంస్థ) మరియు జియో ఎస్జీఎస్లకు లైసెన్సులు మంజూరు చేసింది. ఈ సంస్థలు సేవలు ప్రారంభించేందుకు అవసరమైన స్పెక్ట్రమ్ కేటాయింపుల కోసం ఎదురుచూస్తున్నాయి.
శాట్కామ్ సేవల వేగవంతమైన విస్తరణ
భారతదేశం ఇప్పటికే 4.8 లక్షల టెలికం టవర్లను ఏర్పాటు చేసి, 99.9 శాతం జనాభాకు 5జీ సేవలను అందుబాటులోకి తెచ్చిందని సింధియా (Minister Jyotiraditya) వెల్లడించారు.
“ఇప్పుడు శాటిలైట్ కమ్యూనికేషన్ సేవల్లోకి ప్రవేశించబోతున్నాం. ప్రపంచంలోనే అత్యంత వేగంగా శాట్కామ్ సేవలను విస్తరించి, మానవాళికి కొత్త నిర్వచనాన్ని ఇవ్వబోతున్నాం. 5జీ విషయంలో చూపిన వేగాన్ని ఇక్కడ కూడా కొనసాగిస్తాం,” అని ఆయన స్పష్టం చేశారు.
6జీ లక్ష్యం — 10 శాతం పేటెంట్లు భారత్దే
“భారత ఆశయాలు 5జీని దాటి 6జీ, శాట్కామ్ దిశగా విస్తరించాయి. రాబోయే 6జీ సాంకేతికతలో 10 శాతం పేటెంట్లను భారత్ సొంతం చేసుకోవడమే లక్ష్యం,” అని సింధియా తెలిపారు.
అలాగే 2033 నాటికి శాట్కామ్ మార్కెట్ మూడింతలు పెరగనున్నదని ఆయన అంచనా వేశారు.
ప్రైవేట్ రంగం ఉత్సాహం
శాట్కామ్ సేవల విస్తరణపై ప్రైవేట్ సంస్థలు సానుకూలంగా స్పందిస్తున్నాయి. యూటెల్శాట్ వన్వెబ్, స్టార్లింక్ వంటి సంస్థలు కేంద్ర అనుమతుల కోసం ఉత్సాహంగా ఎదురుచూస్తున్నాయి. “భారతీయ వినియోగదారులకు భద్రమైన, వేగవంతమైన, నాణ్యమైన బ్రాడ్బ్యాండ్ అనుభవం అందించేందుకు సిద్ధంగా ఉన్నాం,” అని కంపెనీలు ప్రకటించాయి.
మోసాలపై సాంకేతిక విజయం
టెలికం శాఖ రూపొందించిన ‘ఫ్రాడ్ రిస్క్ ఇండికేటర్ ప్లాట్ఫామ్’ సహాయంతో ఫోన్పే, పేటీఎం వంటి డిజిటల్ పేమెంట్ యాప్లు ఇప్పటికే సుమారు రూ.200 కోట్ల ఆర్థిక మోసాలను నివారించగలిగాయి.
Also Read : Today Gold Price : రోజురోజుకూ పెరుగుతూ పోతున్న పసిడి ధరలు