Petrol : దేశంలో పెట్రోల్, డీజిల్ ధరలను గూడ్స్ అండ్ సర్వీసెస్ ట్యాక్స్ (GST) పరిధిలోకి తీసుకురావాలా అనే అంశంపై చాలాకాలంగా చర్చ కొనసాగుతోంది. ఈ నేపథ్యంలో సెంట్రల్ బోర్డ్ ఆఫ్ ఇన్డైరెక్ట్ ట్యాక్సెస్ అండ్ కస్టమ్స్ (CBIC) ఛైర్మన్ సంజయ్ కుమార్ అగర్వాల్ తాజా స్పందన ఇచ్చారు.
అగర్వాల్ ప్రకారం, ప్రస్తుతం పెట్రోల్ (Petrol), డీజిల్పై సెంట్రల్ ఎక్సైజ్ డ్యూటీ మరియు వ్యాల్యూ యాడెడ్ ట్యాక్స్ (VAT) వసూలు చేస్తున్నారు. ఈ రెండు పన్నులు కేంద్రం, రాష్ట్ర ప్రభుత్వాలకు భారీ ఆదాయం తెస్తున్నందున, ఈ దశలో ఇంధనాలను GST పరిధిలోకి తీసుకురావడం సాధ్యంకాదన్నారు.
Petrol – కేంద్ర ఆర్థిక మంత్రిణి అభిప్రాయం
ఆర్థిక మంత్రి నిర్మలా సీతారామన్ కూడా గతంలో ఈ విషయంపై స్పందిస్తూ, “పెట్రోల్, డీజిల్ను GSTలోకి తీసుకురావడంలో కేంద్రం చట్టపరంగా సిద్ధంగా ఉంది. అయితే, రాష్ట్రాలు అంగీకరించాల్సి ఉంటుంది” అని పేర్కొన్నారు. రాష్ట్రాలు సానుకూలంగా వస్తే, GST కౌన్సిల్ లో ట్యాక్స్ రేట్లపై చర్చించి నిర్ణయం తీసుకోవచ్చని ఆమె సూచించారు.
ఎందుకు చర్చ కొనసాగుతోంది?
2017లో GST అమలు చేసినప్పటి నుంచి పెట్రోల్, డీజిల్, మద్యం వంటి ఉత్పత్తులను దాని పరిధిలోకి తీసుకురాలేదు. కారణం – ఈ ఉత్పత్తులపై వచ్చే ఎక్సైజ్, VAT పన్నులు ప్రభుత్వాలకు ప్రధాన ఆదాయ వనరులు.
కొన్ని రాష్ట్రాలకు అయితే ఈ ఆదాయం మొత్తం పన్నుల వసూళ్లలో 25-30% వరకు ఉంటుంది. అందువల్ల రాష్ట్రాలు ఈ ఆదాయాన్ని వదులుకోవడానికి ఆసక్తి చూపడం లేదు. పైగా, ధరలను నియంత్రించడం, వినియోగంపై ప్రభావం చూపే అధికారం కూడా రాష్ట్రాలకే ఉండటంతో అవి మరింత జాగ్రత్తగా వ్యవహరిస్తున్నాయి.
Also Read : VinFast New Innovation : భారత్లోకి విన్ఫాస్ట్ ఎలక్ట్రిక్ దూకుడు