Parashar Lake : మండి జిల్లాలోని హిమాలయ పర్వత ప్రాంతాల్లో ఉన్న పరాశర సరస్సు (Parashar Lake) ఒక వైశిష్ట్యపూర్ణమైన మరియు ఆధ్యాత్మిక ప్రదేశంగా పరిగణించబడుతోంది. మండి నగరం నుంచి సుమారు 49 కిలోమీటర్ల దూరంలో, దౌలాధర్ పర్వత శ్రేణుల్లో ఉన్న ఈ సరస్సు, ప్రకృతి అందాలు, పురాతన కథలతో నిండి ఉంది.
Parashar Lake History
ఈ సరస్సు మంచు కరుగుదల వల్ల ఏర్పడే నీటితో ఏర్పడుతుంది. ప్రత్యేకత ఏమిటంటే, సరస్సులో నీరు ఎప్పటికప్పుడు ఆవిరైపోతూ ఉండటం. సరస్సు పక్కనే ఉన్న ఋషి పరాశరుని పురాతన ఆలయం సందర్శనార్థం నేటికీ దూర ప్రాంతాల నుంచి భక్తులు తరలివస్తుంటారు.
చరిత్ర, పురాణ గాథల సమ్మేళనం
పురాణాల ప్రకారం, పరాశర మహర్షి ఈ ప్రాంతంలో తపస్సు నిర్వహించినట్టు చెబుతారు. ఈ ఆలయాన్ని 14వ శతాబ్దంలో మండి రాష్ట్రానికి చెందిన రాజు బన్సేన్ నిర్మించాడని స్థానికులు పేర్కొంటున్నారు. అయితే, సరస్సు ఉనికి పాండవుల కాలానికి చెందిందని విశ్వాసం.
ఒక ప్రాచీన కథ ప్రకారం, మహాభారత యుద్ధం అనంతరం పాండవులు హిమాలయాల్లో ప్రయాణిస్తుండగా, వారితో ఉన్న కమ్రునాగ్ అనే యోధుడు ఈ ప్రదేశాన్ని ఇష్టపడి ఇక్కడే నివసించాలనుకున్నాడు. అప్పుడు అతని దాహాన్ని తీర్చేందుకు భీముడు తన మోచేతితో పర్వతాన్ని కొట్టి సరస్సును రూపొందించాడని చెబుతారు. అందుకే ఈ సరస్సు మోచేయి ఆకారంలో ఉన్నట్టు చెబుతారు.
విచిత్రమైన ప్రకృతి లక్షణాలు
ఈ సరస్సు లోతు ఇప్పటికీ ఎవరికీ తెలియకపోవడం, శీతాకాలంలో పడే మంచు తుపానుల్లో సరస్సులోకి జారిపోయే పెద్ద దేవదారు వృక్షాలు కనిపించకుండా మాయమవడం వంటి అంశాలు ఈ ప్రదేశానికి మరింత మిస్టరీను జోడిస్తున్నాయి. అంతేకాక, సరస్సుపై తేలియాడుతూ ఉండే ఓ చిన్న ద్వీపం కాలానుగుణంగా ఒక మూల నుంచి మరో మూలకు కదులుతుండటం ఒక విశేషం.
పరాశర మహర్షి గురించి
పరాశర మహర్షి, వశిష్ఠ మహర్షి మనవడు, శక్తి మహర్షి కుమారుడు. ఆయనను సప్తఋషుల్లో ఒకరుగా పరిగణిస్తారు. భూత, వర్తమాన, భవిష్యత్ విషయాలను దర్శించే శక్తి ఉన్న ఋషులలో ప్రముఖుడు.
పండుగలు – ఉత్సవాల మేళ
ప్రతి సంవత్సరం పరాశర సరస్సు (Parashar Lake) వద్ద కాశీ, ఋషి పంచమి, సౌరనాహున్లి వంటి పర్వదినాలు జరుపుకుంటారు. ఈ వేడుకల సందర్భంగా చుట్టుపక్కల లోయల నుంచి భక్తులు తరలివచ్చి, తమ గ్రామ దేవతలతో కలిసి ఊరేగింపులో పాల్గొంటారు.
గమనిక: ఈ సమాచారం మతపరమైన విశ్వాసాలపై ఆధారపడి ఉంది. పాఠకుల ఆసక్తిని దృష్టిలో ఉంచుకుని, వివిధ వాస్తవ కథనాలు, పండితుల అభిప్రాయాల ప్రకారం రూపొందించబడింది. దీనిలో శాస్త్రీయ ఆధారాలున్నాయో లేదో స్పష్టత లేదు. పాఠకులు ఈ విషయాన్ని దృష్టిలో ఉంచుకోవాలి.
Also Read : Walking Interesting Benefits : ప్రతిరోజూ వాకింగ్ ఇలా చేస్తే మీ నడుము నొప్పి మాయం