Monsoon : వర్షాకాలం వచ్చిందంటే చల్లదనం, శాంతతతో పాటు అనేక ఆరోగ్య సవాళ్లూ వస్తాయి. ఈ కాలంలో డెంగ్యూ, మలేరియా, చికున్గున్యా వంటి దోమల ద్వారా వ్యాపించే వ్యాధులతోపాటు, జలుబు, దగ్గు, ఫ్లూ, జీర్ణ సమస్యలు, చర్మ వ్యాధులు వచ్చే అవకాశాలు ఎక్కువగా ఉంటాయి. అటువంటి పరిస్థితుల్లో చిన్నపాటి అప్రమత్తతే శరీరాన్ని ఆరోగ్యంగా ఉంచే పెద్ద మెట్టు అవుతుంది.
Monsoon – వర్షంలో తడితే వెంటనే తీసుకోవాల్సిన జాగ్రత్తలు:
1. తడి బట్టలు వెంటనే మార్చుకోండి:
వర్షంలో (Monsoon) తడిసిపోతే మొదటిగా బట్టలను మార్చడం తప్పనిసరి. తడి బట్టల వల్ల శరీర ఉష్ణోగ్రత తక్కువై జలుబు, ఫ్లూ వంటి వైరల్స్కి అవకాశం కలుగుతుంది. వీలుంటే గోరువెచ్చని నీటితో స్నానం చేయడం మంచిది. ఇది శరీరాన్ని వెచ్చగా ఉంచడమే కాకుండా చర్మంపై ఉన్న హానికరమైన సూక్ష్మజీవులను తొలగిస్తుంది.
2. గోరువెచ్చని పానీయాలు తాగండి:
వర్షంలో (Monsoon) తడిసిన తర్వాత శరీరాన్ని వేడిగా ఉంచేందుకు అల్లం టీ, తులసి టీ లేదా గోరువెచ్చని నీరు తీసుకోవడం మంచి అలవాటు. ఇవి రోగనిరోధక శక్తిని మెరుగుపరచడంలో, జలుబు, దగ్గును తగ్గించడంలో ఉపయుక్తంగా ఉంటాయి.
3. పోషకాహారాన్ని తీసుకోండి:
విటమిన్-C అధికంగా ఉండే ఆహారాలు (నిమ్మకాయ, నారింజ, ఉసిరి) రోగనిరోధక శక్తిని పెంచుతాయి. అలాగే టమోటా సూప్, కూరగాయల సూప్ వంటి వేడి ఆహారాలు శరీరానికి అవసరమైన పోషణతో పాటు వేడిని కూడా ఇస్తాయి.
4. పాదాలను పొడిగా ఉంచండి:
వర్షంలో తడిచిన తర్వాత పాదాలు తడిగా ఉంటే కూడా జలుబు, దగ్గు వచ్చే ప్రమాదం ఉంటుంది. గోరువెచ్చని నీటిలో కొద్దిగా ఉప్పు వేసి పాదాలను కొన్ని నిమిషాలు ఉంచితే, రక్తప్రసరణ మెరుగవుతుంది, అలసట కూడా తగ్గుతుంది.
తగిన జాగ్రత్తలే రోగనిరోధకతకు బలమైన కవచం
వర్షాకాలంలో ఈ సూచనలు పాటించడం ద్వారా సాధారణ ఆరోగ్య సమస్యల నుండి మనల్ని మనం రక్షించుకోవచ్చు. బయట నుంచి తడిగా వచ్చి, నిర్లక్ష్యంగా ఉంటే సాధారణ జలుబు నుండి జ్వరం వరకు అనేక సమస్యలు తలెత్తవచ్చు. అందుకే వర్షంలో తడిపోతే వెంటనే తగిన జాగ్రత్తలు తీసుకుని ఆరోగ్యాన్ని కాపాడుకోవాలి.
గమనిక: ఈ సమాచారం సామాన్య ఆరోగ్య అవగాహన కోసం మాత్రమే. ఆరోగ్య సమస్యలుంటే తప్పనిసరిగా డాక్టర్ను సంప్రదించాలి.
Also Read : Amla Dangerous Effects : ఉసిరి తో ఎన్ని లాభాలు ఉన్న..వారికి మాత్రం శాపం