హైద‌రాబాద్ : ప్రధాని మోదీ 25 ఏళ్ల నాయకత్వ ప్రస్థానం భారతదేశ పరివర్తనకు, పెరుగుతున్న ఆశయాలకు అద్దం పడుతోందని ప్ర‌శంస‌లు కురిపించారు ఏపీ సీఎం నారా చంద్రబాబు నాయుడు. ఆయన తన రెండు రోజుల ప‌ర్య‌ట‌న నిమిత్తం దేశ రాజ‌ధానికి బ‌య‌లుదేరి వెళ్లారు. ఇదిలా ఉండ‌గా ప్ర‌ధాన‌మంత్రి నరేంద్ర మోదీ తన రాజకీయ జీవితంలో 25 ఏళ్లు పూర్తి చేసుకున్నారు. ఈ సంద‌ర్బంగా స్పందించారు సీఎం. ఇదే అక్టోబర్ 7, 2001న గుజరాత్ ముఖ్యమంత్రిగా ప్రమాణ స్వీకారం చేయడం మొదలుకొని, భారత ప్రధానమంత్రిగా మూడు పర్యాయాలు కొనసాగడం వరకు… ప్రభుత్వ అధినేతగా ప్రధాని నరేంద్ర మోదీ 25 ఏళ్ల అవిచ్ఛిన్న నాయకత్వాన్ని పూర్తి చేసుకున్నారు.
ప్రభుత్వ అధినేతగా ప్రధాని నరేంద్ర మోదీ 25 ఏళ్ల నాయకత్వ ప్రస్థానం భారతదేశ పరివర్తనను , దేశం పెరుగుతున్న ఆశయాలను ఎలా ప్రతిబింబిస్తుందో చంద్రబాబు నాయుడు పేర్కొన్నారు. నా 48 ఏళ్ల ప్రజా జీవితంలో ప్రభుత్వాలు మారడం, ఆర్థిక వ్యవస్థలు రూపాంతరం చెందడం, సాంకేతికతలు ప్రపంచాన్ని మార్చేయడం , నాయకులు ఎదగడం, పతనం కావడం వంటివి నేను చూశాను. కాలక్రమేణా ఒక విషయం మాత్రం మరింత స్పష్టమైంది. నాయకత్వం అనేది చాలా కీలకం అని అన్నారు సీఎం. కార్యనిర్వాహక పదవిలో ప్రధాని మోదీ 25 ఏళ్ల అవిచ్ఛిన్న ప్రస్థానాన్ని పూర్తి చేసుకుంటున్న తరుణంలో స్పందించ‌డం , ఆనందాన్ని పంచుకోవ‌డం ఆనందంగా ఉంద‌న్నారు.
ఆయన ప్రయాణాన్ని అసాధారణంగా మార్చే అంశాలను నేను పరిశీలిస్తున్నాను – స్పష్టమైన దార్శనికత, నిజాయితీ, క్రమశిక్షణ, ప్రతి చిన్న అంశంపై శ్రద్ధ , అన్నింటికంటే ముఖ్యంగా పనులను ఆచరణలో పెట్టే సామర్థ్యం త‌న‌ను ఆశ్చ‌ర్య పోయేలా చేసింద‌న్నారు నారా చంద్రబాబు నాయుడు. మహమ్మారి, యుద్ధాలు, భౌగోళిక రాజకీయ అనిశ్చితి లేదా వేగవంతమైన సాంకేతిక మార్పులు… ఇలాంటి పరిస్థితుల్లో కూడా భారతదేశం తన గమ్యపథంలో స్థిరంగా ముందుకు సాగింది అని ఆయన పేర్కొన్నారు.