Long Sitting : వ్యాయామం చేయడం ఆరోగ్యానికి మేలు చేస్తుందనేది అందరికీ తెలిసిన సంగతే. అయితే రోజూ కొంతసేపు వ్యాయామం చేసినా, దాదాపు మొత్తం రోజంతా కదలకుండా కూర్చొనే (Long Sitting) అలవాటు ఉన్నవారిలో మానసిక చురుకుతనాన్ని కోల్పోయే అవకాశం ఉందని తాజా అధ్యయనాల్లో వెల్లడైంది.
Long Sitting Shocking Facts
అమెరికాలోని వాండర్బిల్ట్ వైద్య సంస్థ, పిట్స్బర్గ్ యూనివర్సిటీలు సంయుక్తంగా చేపట్టిన పరిశోధనలో 50 ఏళ్లు పైబడిన 400 మందికిపైగా వ్యక్తులపై ఏడు సంవత్సరాలపాటు అధ్యయనం నిర్వహించారు. ఇందులో పాల్గొన్నవారి మెదడు పనితీరు, రోజువారీ శారీరక కదలికలు, కూర్చున్న సమయం వంటి అంశాలను పరిశీలించగా, ఎక్కువసేపు కూర్చునే వారి మెదడు పరిమాణం క్రమంగా తగ్గిపోతున్నట్టు గుర్తించారు.
మెదడు పరిమాణంలో తగ్గుదల
మెదడును స్కాన్ చేయగా, రోజూ ఎక్కువసేపు కూర్చునే వ్యక్తుల మెదడు పరిమాణం స్పష్టంగా తగ్గినట్టు శాస్త్రవేత్తలు తేల్చారు. ఇది అల్జీమర్, డిమెన్షియా వంటి మానసిక సమస్యలకు కారణమయ్యే అవకాశాలు ఉన్నాయని వెల్లడించారు. ముఖ్యంగా APOE-e4 అనే జన్యు మార్పు ఉన్నవారిలో ఈ ప్రభావం మరింత తీవ్రంగా ఉంటుందని హెచ్చరించారు.
ఒకసారి వ్యాయామం చాలదు
ఈ పరిశోధనను నేతృత్వం వహించిన నిపుణుల ప్రకారం, ఒకసారి మాత్రమే వ్యాయామం చేసి మిగతా సమయం కూర్చొని గడపడం సరిపోదు. ప్రతినిమిషం కాదు కానీ, కనీసం ప్రతి 30 నిమిషాలకు ఒకసారి లేచి కదలాలి. చిన్నగా నడవటం, చేతులు కాళ్లు చాపడం, స్థిరంగా కూర్చొని (Long Sitting) ఉండకపోవడం మెదడు ఆరోగ్యాన్ని మెరుగుపరుస్తుందని వారు తెలిపారు.
మెదడు ఆరోగ్యానికి సూచనలు
- ప్రతి 30 నిమిషాలకు ఒకసారి లేచి నడవడం అలవాటు చేసుకోవాలి
- చిన్న వ్యాయామాలు చేయడం ద్వారా శరీర కదలికను కొనసాగించాలి
- పని మధ్యలో చిన్న విరామం తీసుకుని కదలిక కలిగించాలి
- ఎక్కువసేపు సోఫా లేదా బెడ్పైన గడపకూడదు
ఈ అధ్యయనం ఒక స్పష్టమైన విషయాన్ని తెలియజేస్తోంది — మెదడు ఆరోగ్యం కేవలం మానసిక శ్రమతో కాకుండా శారీరక కదలికలపై కూడా ఆధారపడి ఉంటుంది. దీర్ఘకాలంలో మానసిక సామర్థ్యం బాగుండాలంటే రోజంతా చురుగ్గా కదలికలతో ఉండటం అవసరం. కేవలం వ్యాయామం చేయడమే కాదు, కూర్చునే సమయాన్ని తగ్గించడమూ అంతే కీలకమని నిపుణులు సూచిస్తున్నారు.
Also Read : Coconut Water Shocking Facts : కొబ్బరి నీళ్లు ఎంత చలవో కదా..కానీ వీళ్లకు మాత్రం యమ డేంజర్