హైదరాబాద్ : తెలంగాణ స‌ర్కార్ కు తీపి క‌బురు చెప్పింది కేంద్రంలోని బీజేపీ స‌ర్కార్. మంగ‌ళ‌వారం కీలక ప్ర‌క‌ట‌న చేశారు కేంద్ర ఉప‌రిత‌ల రోడ్డు రవాణా శాఖ మంత్రి నితిన్ గడ్కరీ. ఈ విష‌యాన్ని రాష్ట్ర రోడ్లు భ‌వ‌నాల శాఖ మంత్రి కోమటిరెడ్డి వెంకట్ రెడ్డి వెల్ల‌డించారు. హైదరాబాద్ రోడ్డు మౌలిక సదుపాయాలకు పెద్ద ఊతమిస్తూ కేంద్ర మంత్రి నితిన్ గడ్కరీ ఎల్బీ నగర్ – హయత్‌నగర్ డబుల్ డెక్కర్ ఎలివేటెడ్ కారిడార్‌తో పాటు ఇతర మౌలిక సదుపాయాల కార్యక్రమాలకు ఆమోదం తెలిపారు. హైదరాబాద్ రోడ్డు మౌలిక సదుపాయాలకు ఊతమిస్తూ, కేంద్ర రోడ్డు రవాణా, రహదారుల శాఖ మంత్రి ఎల్బీ నగర్ – హయత్‌నగర్ డబుల్ డెక్కర్ ఎలివేటెడ్ కారిడార్‌తో పాటు NH-167K పై కృష్ణా నదిపై నిర్మించనున్న ప్రతిష్టాత్మక కేబుల్ బ్రిడ్జికి శంకుస్థాపన ప్రతిపాదనకు ఆమోదం తెలిపారు. తెలంగాణ అభివృద్ధికి కీలకమైన మౌలిక సదుపాయాలు, జాతీయ రహదారుల ప్రాజెక్టులపై చర్చించేందుకు తెలంగాణ ఆర్ అండ్ సినిమాటోగ్రఫీ శాఖ మంత్రి కోమటిరెడ్డి వెంకట్ రెడ్డి న్యూఢిల్లీలో గడ్కరీని కలిశారు.
కేంద్ర మంత్రిని క‌లిసిన అనంత‌రం కోమటిరెడ్డి మాట్లాడారు. కేంద్ర మంత్రి సానుకూలంగా స్పందించార‌ని తెలిపారు. హైదరాబాద్–శ్రీశైలం (NH-765) ఎలివేటెడ్ కారిడార్ కోసం కొత్త డీపీఆర్ సిద్ధం చేయాలని అధికారులను ఆదేశించడం జ‌రిగింద‌న్నారు. పర్వతమాల పథకం కింద తెలంగాణకు 5 రోప్‌వేలను ఆమోదించడం వంటి అనేక కీలక కార్యక్రమాలకు ఆమోదం తెలిపారని పేర్కొన్నారు. సేతు బంధన్ పథకం కింద 3 కొత్త ఆర్ఓబీలు మంజూరు చేశార‌ని చెప్పారు కోమటిరెడ్డి వెంకట్ రెడ్డి. గడ్కరీ హైదరాబాద్–అమరావతి గ్రీన్‌ఫీల్డ్ హైవేపై కూడా సానుకూల వైఖరిని తీసుకున్నారని వెల్ల‌డించారు, తెలంగాణలో గుర్తించిన 34 పనులకు CRIF నిధులు మంజూరు చేయాలని అధికారులను ఆదేశించారు, మరియు NH-65 (హైదరాబాద్–విజయవాడ–మచిలీపట్నం) విస్తరణ పనులను వేగవంతం చేస్తామని హామీ ఇచ్చారన్నారు. పుల్లూరు–ఆలంపూర్–కొల్లాపూర్–దేవరకొండ–నల్గొండ మార్గాన్ని జాతీయ రహదారిగా ఉన్నతీకరించడానికి కూడా ఆయన సానుకూలం వ్య‌క్తం చేశార‌న్నారు.