Kidney Stones : ఈ మధ్యకాలంలో వయస్సుతో సంబంధం లేకుండా చాలా మంది నడుం నొప్పితో బాధపడుతున్నారు. ముఖ్యంగా కంప్యూటర్ ముందు గంటల తరబడి కూర్చునే వారు ఈ సమస్యను తరచూ ఎదుర్కొంటున్నారు. అయితే ప్రతి నడుం నొప్పికీ ఒకేలా కారణం ఉండదు. కొన్నిసార్లు ఇది కండరాల అలసట వల్ల వస్తే, మరికొన్ని సందర్భాల్లో ఇది కిడ్నీ రాళ్ల (Kidney Stones) లక్షణంగా ఉండొచ్చు. ఈ రెండింటికి మధ్య తేడా గుర్తించడం ఎంతో కీలకం.
Kidney Stones – వెన్నునొప్పి లక్షణాలు:
- నెమ్మదిగా మొదలై క్రమంగా పెరుగుతుంది
- ఎక్కువసేపు తప్పుడు భంగిమలో కూర్చోవడం వల్ల వస్తుంది
- నడుము మధ్య లేదా దిగువ భాగంలో ఉంటుంది
- కదలికలతో నొప్పి మారుతుంది (లేచినప్పుడు, నడిచినప్పుడు తేడా గమనించవచ్చు)
- సాధారణంగా స్ట్రెచింగ్, విశ్రాంతి, నొప్పినివారణ మందులతో తగ్గిపోతుంది
కిడ్నీలో రాళ్ల వల్ల నడుం నొప్పి లక్షణాలు:
- అకస్మాత్తుగా తీవ్రమైన నొప్పి ప్రారంభం
- ఒక వైపు నడుము నుంచి కడుపు, తొడ, జననేంద్రియాలకు వ్యాపిస్తుంది
- వాంతులు, మూత్రంలో మంట, రక్తం కనిపించటం
- మూత్రం దుర్వాసనగా ఉండటం లేదా తరచుగా మూత్రవిసర్జన అవసరం
- కదలికల వల్ల నొప్పి తగ్గదు
- సాధారణ నొప్పినివారణ మందులకు స్పందించదు
ఎలా గుర్తించాలి?
వెన్నునొప్పి: కండరాల గాయాలు, పొడవైన సమయం కూర్చోవడం వల్ల. కదలికలతో తగ్గే అవకాశం ఉంటుంది.
కిడ్నీ రాళ్లు: నొప్పి చాలా తీవ్రమైనదిగా ఉండి, వాంతులు, మూత్రంలో మార్పులు వంటి అదనపు లక్షణాలు ఉంటాయి.
పరీక్షలు అవసరం:
నడుం నొప్పి తరచూ ఉంటే అల్ట్రాసౌండ్, మూత్రపరీక్షలు చేయించుకోవాలి. కారణాన్ని స్పష్టంగా గుర్తించి సరైన వైద్య చికిత్స తీసుకోవడం అవసరం.
Also Read : Long Sitting Shocking Facts : రోజంతా కూర్చుని ఉంటే మన మెదడుకు ప్రమాదమా?