Heart Health : మధుమేహం ఉన్నవారు లేదా బరువు తగ్గే ప్రయత్నంలో ఉన్నవారు చక్కెర వాడకాన్ని తగ్గిస్తూ, దీన్ని ప్రత్యామ్నాయంగా కృత్రిమ తీపి పదార్థాలపై ఆధారపడుతున్నారు. అయితే, ఈ స్వీట్నర్లలో ఒకటైన ఎరిత్రిటాల్ వాడకం ప్రాణాలకు ముప్పు కలిగించవచ్చని తాజా అధ్యయనాలు హెచ్చరిస్తున్నాయి.
Heart Health – ఎరిత్రిటాల్ అంటే ఏమిటి?
ఎరిత్రిటాల్ ఒక తక్కువ కేలరీల స్వీట్నర్. దీన్ని చాలామంది షుగర్-ఫ్రీ (Sugar Free) పానీయాలు, కీటో డైట్ ఫుడ్, ఐస్ క్రీమ్స్ లాంటి ఉత్పత్తుల్లో వాడుతున్నారు. ఇది చక్కెరలాగే తీపిగా ఉంటేను, రక్తంలోని షుగర్ లెవెల్స్ పెరగకపోవడం వల్ల ఆరోగ్యానికి మంచిదని భావిస్తున్నారు. కానీ తాజా అధ్యయనాల ప్రకారం ఇది అంతగా సురక్షితం కాదు.
ఆరోగ్యానికి కలిగే ప్రమాదాలు
యూనివర్సిటీ ఆఫ్ కొలరాడోలో చేసిన పరిశోధన ప్రకారం, ఎరిత్రిటాల్ మానవ మెదడులోని కణాలకు నష్టం కలిగించడమే కాకుండా, రక్త సరఫరా చేసే నాళాలపై ఒత్తిడిని పెంచుతుంది. దీన్ని తీసుకున్న మూడు గంటల్లోనే ఈ ప్రభావాలు కనిపించగలవని శాస్త్రవేత్తలు చెబుతున్నారు. సోడా వాడకంతో ఏర్పడే ముప్పు ఎలాగైతే ఉంటుందో, ఎరిత్రిటాల్ వల్ల కూడా అంచనాలకు మించి దుష్ప్రభావాలు ఉంటాయని తేలింది.
హృదయ, మెదడు సంబంధిత ప్రమాదాలు
ఎరిత్రిటాల్ వాడకం వల్ల శరీరంలోని నైట్రిక్ ఆక్సైడ్ స్థాయిలు తగ్గిపోతాయని వైద్య నిపుణులు చెబుతున్నారు. ఇది తగ్గిపోవడంతో రక్తనాళాలు సంకుచించిపోయి, గడ్డకట్టే ప్రమాదం పెరుగుతుంది. ఫలితంగా గుండెపోటు లేదా మెదడు స్ట్రోక్ వచ్చే అవకాశం ఎక్కువవుతుంది. క్లీవ్ల్యాండ్ క్లినిక్ నిర్వహించిన అధ్యయనంలో కూడా ఇదే విషయాన్ని స్పష్టం చేశారు. అమెరికాలో 4,000 మందిపై చేసిన ఈ పరిశోధనలో రోజుకు 30 గ్రాములకంటే తక్కువ ఎరిత్రిటాల్ తీసుకున్నవారిలోనూ గుండె (Heart) సంబంధిత సమస్యలు అధికంగా కనిపించాయని తేలింది.
వైద్య నిపుణుల సూచనలు
- చక్కెర స్థాయిలను నియంత్రించాలనే ఉద్దేశంతో స్వీట్నర్లపై ఆధారపడటం శ్రేయస్కరం కాదు.
- ఎరిత్రిటాల్ వాడకం తగ్గించడం మంచిదని వైద్యులు సూచిస్తున్నారు.
- ఇతర ప్రత్యామ్నాయంగా స్టెవియా, తేనె వంటి సహజ స్వీట్నర్లు వాడటం బాగుంటుంది.
- డయాబెటిస్ ఉన్నవారు ఏ స్వీట్నర్ వాడుతున్నారో జాగ్రత్తగా పరిశీలించి, వైద్యుల సలహా మేరకు మాత్రమే తీసుకోవాలి.
ఆహార పదార్థాల ఎంపికలో అవగాహన అత్యవసరం. తీపి కోసం చేసే ఎంపికలు ఒక్కోసారి ఆరోగ్యానికి గంభీరంగా ముప్పు కలిగించవచ్చు. అందువల్ల ఎరిత్రిటాల్ వంటి పదార్థాల వాడకంలో సంతులనం పాటించడం ఎంతో ముఖ్యం.
Also Read : Skipping Dinner – Danger Effects : మీరు రోజు డిన్నర్ మానేస్తున్నారా అయితే ఈ తిప్పలు తప్పవు