హైదరాబాద్ : రోజు రోజుకు ఎయిర్ పొల్యూషన్ హైదరాబాద్ నగరాన్ని కబళిస్తోంది. ప్రజలు ఇప్పటికే వాహన కాలుష్యంతో ఇబ్బంది పడుతున్నారు. ఈ తరుణంలో హైదరాబాద్ నగర పాలక సంస్థ (జీహెచ్ఎంసీ) రంగంలోకి దిగింది. దీనిపై ఫోకస్ పెట్టింది. జీహెచ్ఎంసీ ,నేషనల్ క్లీన్ ఎయిర్ ప్రోగ్రామ్ (NCAP) సహకారంతో హైదరాబాద్ లో గాలి నాణ్యతను మెరుగు పరచడానికి ప్రణాళికాబద్ధమైన చర్యలకు శ్రీకారం చుట్టింది. నిరంతర పర్యవేక్షణ, సంబంధిత అన్ని విభాగాల కలయిక ద్వారా సమన్వయంతో కూడిన, నగరవ్యాప్త విధానాన్ని నడుపుతోంది.
గాలి నాణ్యతను మెరుగు పరచడం అనేది ఉమ్మడి బాధ్యత అని స్పష్టం చేసింది నగర పాలక సంస్థ. NCAP కింద, అన్ని లైన్ విభాగాలు, ఏజెన్సీలు వాయు కాలుష్య వనరులను క్రమబద్ధమైన ,స్థిరమైన పద్ధతిలో పరిష్కరించడానికి స్పష్టంగా నిర్వచించబడిన పాత్రలతో కలిసి పనిచేస్తున్నాయి. ఇందులో భాగంగా హాట్స్పాట్ ఆధారిత గాలి నాణ్యత, లక్ష్య జోక్యాల అంచనా వేయడం. రోడ్డు దుమ్ము నియంత్రణ ,నిర్మాణ కార్యకలాపాలపై కఠినమైన పర్యవేక్షణ చేయడం. ట్రాఫిక్ నిర్వహణ చర్యల ద్వారా వాహన ఉద్గారాలను తగ్గించడం. అంతే కాకుండా పారిశ్రామిక ఉద్గారాలను పర్యవేక్షించడం, పర్యావరణ నిబంధనలకు అనుగుణంగా ఉండటం.వ్యర్థ కార్యకలాపాల నియంత్రణ, శాస్త్రీయ నిర్వహణ చేపట్టేందుకు చర్యలు తీసుకున్నట్లు జీహెచ్ఎంసీ కమిషనర్ స్పష్టం చేశారు.