ED : ఢిల్లీ : కేంద్ర దర్యాప్తు సంస్థ ఈడీ (ED) బిగ్ షాక్ ఇచ్చేందుకు రెడీ అయ్యింది. ఆన్లైన్ బెట్టింగ్ ప్లాట్ఫామ్తో అనుసంధానించబడిన ప్రముఖుల ఆస్తులను అటాచ్ చేయనుంది. దర్యాప్తులో ఆస్తులను సంపాదించడానికి ఎండార్స్మెంట్ ఫీజులను ఉపయోగించినట్లు ఆరోపణలు ఉన్నాయి. ఇండియాతో పాటు విదేశాలలో ఆస్తులను అటాచ్ చేయనుంది. ఆన్లైన్ బెట్టింగ్ ప్లాట్ఫామ్ 1xBet కు సంబంధించిన దర్యాప్తులో క్రీడాకారులు, నటులకు సంబంధించిన కోట్లాది రూపాయల విలువైన ఆస్తులను ఎన్ఫోర్స్మెంట్ డైరెక్టరేట్ అటాచ్ చేసే పనిలో పడనుంది. త్వరలో కొంత మంది క్రీడాకారులు , నటుల కోట్లాది రూపాయల విలువైన ఆస్తులను అటాచ్ చేయనుంది. 1xBet అనే పోర్టల్కు సంబంధించిన కేసు దర్యాప్తులో ఈ ప్రముఖులలో కొందరు తమకు చెల్లించిన ఎండార్స్మెంట్ ఫీజును మనీలాండరింగ్ నిరోధక చట్టం కింద కేసులు నమోదు చేసింది.
ED Focus
నేర ఆదాయంగా అర్హత పొందిన వివిధ రకాల ఆస్తులను సంపాదించడానికి ఉపయోగించు కున్నారని అధికారిక వర్గాలు తెలిపాయి. ఈ చరాస్తులను అటాచ్ చేయడానికి తాత్కాలిక అటాచ్మెంట్ ఆర్డర్ జారీ చేయనుంది, వీటిలో కొన్ని యూఏఈ వంటి దేశాలలో, విదేశాలలో ఉన్నాయి. మనీలాండరింగ్ ద్వారా వచ్చిన నిధుల నుండి సంపాదించిన లేదా సృష్టించబడిన ఆస్తులను నేరం ద్వారా వచ్చిన ఆదాయంగా వర్గీకరించారు. ఈ నేరానికి పాల్పడిన వ్యక్తులు అటువంటి నేరపూరిత చర్య ఫలాలను అనుభవించలేని విధంగా వాటిని అటాచ్ చేసినట్లు వర్గాలు తెలిపాయి.
Also Read : KTR Guarantee Interesting : బాధిత రైతులకు బీఆర్ఎస్ భరోసా : కేటీఆర్