Dengue Fever : వర్షాకాలం ప్రారంభమైందంటేనే దోమల వణుకు మొదలవుతుంది. ఈ కాలంలో వాతావరణ మార్పుల కారణంగా డెంగ్యూ వంటి జ్వరాల ముప్పు పెరుగుతోంది. ఇటీవల ఒళ్లు నొప్పులు, జ్వరం వంటి లక్షణాలతో బాధపడుతూ, ప్రారంభంలో సాధారణ వైరల్ ఫీవర్గా భావించిన కొంతమంది రోగులకు, పరీక్షల ద్వారా డెంగ్యూగా తేలింది. చికిత్స ఆలస్యం చేసిన కొన్ని కేసుల్లో పరిస్థితి విషమించినట్లు వైద్యాధికారులు తెలిపారు.
Dengue Fever – డెంగ్యూను నిర్లక్ష్యం చేయవద్దు
ప్రారంభంలో సాధారణ జ్వరంలా కనిపించే డెంగ్యూకు (Dengue Fever) ప్రత్యేక లక్షణాలు ఉంటాయి. ఇవి గుర్తించిన వెంటనే వైద్యులను సంప్రదించడం అత్యంత అవసరం. నిర్లక్ష్యం చేస్తే ప్రాణాంతక పరిస్థితులు తలెత్తే ప్రమాదం ఉంది.
ముఖ్య లక్షణాలు ఇవే:
- తీవ్రమైన జ్వరం: డెంగ్యూకు 104°F కంటే ఎక్కువ జ్వరం లక్షణంగా ఉంటుంది.
- తలనొప్పి, కంటి నొప్పి: నుదిటి భాగంలో తీవ్ర తలనొప్పి, కళ్ల వెనుక భాగంలో నొప్పి స్పష్టంగా కనిపిస్తాయి.
- కీళ్ల, కండరాల నొప్పులు: శరీరం మొత్తంలో నొప్పులతో ‘బ్రేక్ బోన్ ఫీవర్’గా పిలుస్తారు.
- వాంతులు, వికారం: ఆకలి లేకపోవడం, వాంతులు వంటి సమస్యలు సహజం.
- చర్మంపై దద్దుర్లు: జ్వరం తగ్గిన తర్వాత ఎర్రటి రాషెస్ కనిపించవచ్చు.
- ప్లేట్లెట్స్ తగ్గుదల: రక్తంలో ప్లేట్లెట్స్ స్థాయి వేగంగా తగ్గడం గమనించాలి.
ఎప్పుడు వైద్య సహాయం తీసుకోవాలి?
ఈ లక్షణాల్లో ఏవైనా కనిపించిన వెంటనే వైద్యునిని సంప్రదించాలి. ముఖ్యంగా ప్లేట్లెట్ స్థాయిని క్రమం తప్పకుండా పరిశీలించాలి. ఇంట్లో స్వయంగా మందులు వాడటం ప్రమాదకరం. ప్లేట్లెట్లు తీవ్రంగా తగ్గితే హాస్పిటల్లో చేరడం అత్యవసరం.
డెంగ్యూకు ముందు జాగ్రత్తలు:
- నీరు నిల్వ ఉండే ప్రదేశాలను శుభ్రంగా ఉంచాలి.
- దోమలు పెరిగే అవకాశమున్న ప్రాంతాల్లో సాంకేతిక చర్యలు తీసుకోవాలి.
- ఇంటి చుట్టుపక్కల పరిశుభ్రత పాటించాలి.
- నిద్రిస్తున్నప్పుడు దోమతెరలు, దోమతరినే క్రీములు వాడాలి.
- పూర్తి చేతులు, కాళ్లు కప్పే దుస్తులు ధరించాలి.
Also Read : Comfortable Sleep : మీరు రాత్రంతా ప్రశాంతంగా నిద్రపోవాలంటే ఆ పని చేయాల్సిందే