Date Seeds : ఖర్జూరాలు తీపి రుచితో పాటు అద్భుతమైన ఔషధ గుణాలు కలిగిన పండ్లుగా ప్రసిద్ధి చెందాయి. వీటిలో శక్తినిచ్చే ఖనిజాలు, విటమిన్లు, ఫైబర్ సమృద్ధిగా ఉండటంతో ప్రపంచవ్యాప్తంగా ప్రజలు వాటిని ఆహారంలో భాగం చేసుకుంటున్నారు. ఖర్జూరాలు శరీర రోగనిరోధక శక్తిని పెంచుతాయి. వీటిలో ఉండే యాంటీఆక్సిడెంట్లు శరీరాన్ని ఫ్రీ రాడికల్స్ నుంచి రక్షిస్తాయి.
అయితే చాలా మంది ఖర్జూరం తిన్న తర్వాత దాని విత్తనాలను పనికిరావని భావించి విసిరేస్తారు. కానీ పోషక నిపుణుల ప్రకారం, ఖర్జూర విత్తనాలు (Date Seeds) కూడా పోషకాల గనులే. వీటిలో ఒలీక్ ఆమ్లం, ఫైబర్, పాలీఫెనాల్స్, ప్రోటీన్, పొటాషియం, మెగ్నీషియం, రాగి, ఇనుము, మాంగనీస్, విటమిన్ B6 వంటి అనేక పోషకాలు ఉన్నాయి.
Date Seeds – ఖర్జూర విత్తనాల ప్రయోజనాలు
- గుండె ఆరోగ్యం: నేషనల్ లైబ్రరీ ఆఫ్ మెడిసిన్ నివేదిక ప్రకారం, విత్తనాల్లోని ఒలీక్ ఆమ్లం, పొటాషియం, మెగ్నీషియం గుండెకు మేలు చేస్తాయి. రక్తపోటు నియంత్రణలో తోడ్పడతాయి.
- బరువు తగ్గింపు: విత్తనాల్లోని అధిక ఫైబర్ కారణంగా కడుపు ఎక్కువసేపు నిండుగా ఉంటుంది. ఆకలి తగ్గి బరువు నియంత్రణ సాధ్యమవుతుంది.
- కొలెస్ట్రాల్ నియంత్రణ: శరీర సిరల్లో పేరుకునే చెడు కొలెస్ట్రాల్ను తగ్గించి, గుండె సమస్యలను నివారించడంలో సహాయపడతాయి.
- ఎముకల ఆరోగ్యం: ఖర్జూర విత్తనాల్లో కాల్షియం, భాస్వరం సమృద్ధిగా ఉండటం వల్ల ఎముకలను బలోపేతం చేస్తాయి.
- డిటాక్సిఫికేషన్: శరీరంలో ఉన్న విషపదార్థాలను బయటకు పంపి, మూత్రపిండాల ఆరోగ్యాన్ని కాపాడుతాయి.
- జీర్ణక్రియ మెరుగుదల: అధిక ఫైబర్ వల్ల కడుపు శుభ్రం అవుతుంది. జీర్ణక్రియ సులభతరం అవుతుంది.
- కండరాల రక్షణ: వ్యాయామం చేసే వారికి ఇవి ప్రత్యేకంగా ప్రయోజనం కలిగిస్తాయి. కండరాలలో వాపును తగ్గించి, ఆక్సిడేటివ్ స్ట్రెస్ వల్ల కలిగే నష్టాన్ని నివారిస్తాయి.
Date Seeds – విత్తనాలను తినే సరైన విధానం
ఖర్జూర విత్తనాలను బాగా కడిగి ఎండలో ఆరబెట్టి, మీడియం మంటపై వేయించాలి. క్రిస్పీగా అయిన తర్వాత పొడిగా రుబ్బుకోవాలి. ఈ పొడిని
రోజుకు ఒక టీస్పూన్ గోరువెచ్చని పాలతో తీసుకోవచ్చు
లేదా నీరు, తేనెతో కలిపి తీసుకోవచ్చు
నిపుణుల అభిప్రాయం ప్రకారం, ఖర్జూర విత్తనాలు పండ్ల కంటే కూడా ఎక్కువ ప్రయోజనాలు అందిస్తాయి. ఇప్పటివరకు చెత్తగా పారేసిన ఈ విత్తనాలు మన ఆరోగ్యానికి మేలుచేసే ఔషధాలుగా ఉపయోగపడతాయి.
Also Read : Hanuman Phal Interesting Facts : ఈ పండు ఒక్కటి తిన్నారంటే మీ ఆరోగ్య సమస్యలన్నీ మాయం