Nithya Menon: అందం, అభినయం పరంగా తెలుగు ప్రేక్షకుల్లోనూ ప్రత్యేక స్థానం సంపాదించుకున్న మలయాళ బ్యూటీ నిత్యా మీనన్‌. తెలుగు సినిమా అంగీకరించి దాదాపు రెండేళ్లయింది. ప్రస్తుతం తమిళంలో ‘కాదలిక్క నేరమిల్లయ్, డియర్‌ ఎక్సెస్‌’ సినిమాలతో బిజీగా ఉంది ఈ మలయాళీ బ్యూటీ. ఇవి తెలుగులోనూ విడుదలయ్యే అవకాశం ఉంది. మరి… నిత్యా మీనన్‌(Nithya Menon) స్ట్రయిట్‌ తెలుగు సినిమా సంగతి ఏంటి ? అంటే… ఆమె ఇటీవల ఓ తెలుగు సినిమా అంగీకరించారనే ప్రచారం జరుగుతోంది. అయితే ఆ సినిమాలో పూర్తి స్థాయిలో కాకుండా ఓ కీలక పాత్రలో అతిథి పాత్రలో మెరవనున్నట్లు సమాచారం.
Nithya Menon Movies
నితిన్ ప్రధాన పాత్రలో వేణు శ్రీరామ్ దర్శకత్వంలో తెరకెక్కిస్తున్న తాజా సినిమా ‘తమ్ముడు’. దిల్‌ రాజు, శిరీష్‌ సంయుక్తంగా నిర్మిస్తున్న ఈ సినిమాలో సప్తమీ గౌడ కథానాయికగా నటిస్తుండగా… వర్ష బొల్లమ్మ, లయ, స్వస్విక ముఖ్య పాత్రలు పోషిస్తున్నారు. ప్రస్తుతం చిత్రీకరణ దశలో ఉన్న ఈ సినిమా కోసం హైదరాబాద్‌లో ఓ భారీ యాక్షన్‌ షెడ్యూల్‌ ని ప్రారంభించుకుంది. అయితే ఈ ‘తమ్ముడు’ సినిమాలో అతిథి పాత్రకు సై అన్నారట నిత్యామీనన్. గతంలో నితిన్, నిత్యా మీనన్‌ జంటగా నటించిన ‘ఇష్క్, గుండెజారి గల్లంతయ్యిందే’ చిత్రాలు మంచి విజయాన్ని సొంతం చేసుకున్నాయి. అలా హిట్‌ పెయిర్‌ అనిపించుకున్నారు. ఈ నేపథ్యంలో నితిన్ తో నిత్యాకు ఉన్న అనుబంధం దృష్ట్యా ఈ పాత్రకు సై చెప్పినట్లు సమాచారం. అయితే చిత్ర యూనిట్ నుండి అధికారిక సమాచారం రావాల్సి ఉంది.
Also Read : Fahadh Faasil: లోకేశ్-రజనీ ‘కూలీ’ సినిమాలో కీలక పాత్రలొ ఫహాద్‌ ఫాజిల్‌ !