Rakhi Festival : దేశవ్యాప్తంగా సోదరులు, సోదరీమణులు ప్రేమతో జరుపుకునే రాఖీ పండుగకు (Rakhi Festival) గడువు కేవలం ఒక్క రోజే మిగిలి ఉండటంతో దేశ రాజధాని ఢిల్లీ నుంచి గ్రామీణ ప్రాంతాల వరకూ మార్కెట్లలో విపరీతమైన సందడి నెలకొంది. కాన్ఫెడరేషన్ ఆఫ్ ఆల్ ఇండియా ట్రేడర్స్ (CAIT) అంచనాల ప్రకారం, ఈ ఏడాది రాఖీ పండుగ సందర్భంగా దేశవ్యాప్తంగా జరిగే వ్యాపారం సుమారు రూ.17,000 కోట్లకు చేరనుందని పేర్కొన్నారు.
Rakhi Festival Business Updates
ఇది మాత్రమే కాకుండా, స్వీట్లు, పండ్లు, బహుమతులు వంటి వస్తువుల కొనుగోలుకు అదనంగా రూ.4,000 కోట్లు ఖర్చు అవుతుందని కూడా అంచనా వేయబడింది.
చైనా రాఖీలకు సెలవు – స్వదేశీ ఉత్పత్తులకు ఆదరణ
ఈసారి మార్కెట్లలో చైనాలో తయారైన రాఖీలు, పండుగ (Rakhi Festival) వస్తువులు కనిపించకపోవడం గమనార్హం. ప్రజలు స్వదేశీ ఉత్పత్తుల వైపే మొగ్గు చూపుతున్నారు. దేశభక్తితో పాటు స్వావలంబనకు మద్దతుగా ‘ఆత్మనిర్భర్ భారత్’ ఆవహించిన ఆత్మగౌరవ భావన ఈ రాఖీ పండుగను (Rakhi Festival) ప్రత్యేకంగా మార్చుతోంది.
ట్రాంప్ వ్యాఖ్యల నేపథ్యంలో దేశమంతా ఆర్థికంగా దృఢంగా నిలబడాల్సిన అవసరం ఉన్న వేళ, దేశీయ వస్తువులకే గౌరవం కల్పించాల్సిన అవసరాన్ని ప్రజలు బలంగా గుర్తిస్తున్నారు. ఇదే సమయంలో ఆగస్టు 9న ‘క్విట్ ఇండియా’ ఉద్యమ దినోత్సవాన్ని కూడా దేశం గుర్తుచేసుకుంటోంది. అదే రోజు రాఖీ పండుగ జరగడం విశేషం.
దేశ భక్తికి అంకితమైన రాఖీలు – సైనికులకు ఘనమైన సన్మానం
చాందినీ చౌక్ ఎంపీ, CAIT ప్రధాన కార్యదర్శి ప్రవీణ్ ఖండేల్వాల్ ప్రకారం, ఈ సంవత్సరం రాఖీలు కేవలం అన్నదమ్ముల ప్రేమకు మాత్రమే కాదు, దేశభక్తికు కూడా ప్రతీకగా నిలుస్తున్నాయి. సైనికులకు అంకితం చేసిన ప్రత్యేక రాఖీలు విస్తృతంగా అమ్ముడవుతున్నాయి. వివిధ నగరాల్లో ప్రజలు సైనికుల చేతికి స్వయంగా రాఖీలు కట్టి వారి సేవలకు కృతజ్ఞత తెలుపుతున్నారు.
మార్కెట్లో హిట్టవుతున్న కొత్త రాఖీలు
ఈ ఏడాది మార్కెట్లో రాఖీలకు సంబంధించిన డిజైన్లు, థీమ్లు విపరీతంగా ఆకట్టుకుంటున్నాయి:
- వోకల్ ఫర్ లోకల్ రాఖీ
- డిజిటల్ రాఖీ
- మోడీ రాఖీ
- ఆత్మనిర్భర్ భారత్ రాఖీ
- జై హింద్ రాఖీ
- వందేమాతరం రాఖీ
ఇవన్నీ ప్రజలలో దేశ భక్తి భావాన్ని పెంపొందిస్తున్నాయి. పర్యావరణ అనుకూలంగా మట్టితో, విత్తనాలతో, ఖాదీ, వెదురు, పత్తితో తయారైన రాఖీలపై ప్రజల్లో ప్రత్యేక క్రేజ్ నెలకొంది.
ప్రాంతీయ కళలకు ప్రాధాన్యత
ఈసారి రాఖీలు ప్రాంతీయ సంస్కృతులు, కళలకు నిలువెత్తు నిదర్శనంగా తయారయ్యాయి. వివిధ రాష్ట్రాల ప్రత్యేకతలతో కూడిన రాఖీలు ప్రాచుర్యం పొందుతున్నాయి:
- ఛత్తీస్గఢ్ నుంచి కోసా రాఖీ
- కోల్కతా నుంచి జనపనార రాఖీ
- ముంబై నుంచి సిల్క్ రాఖీ
- జైపూర్ నుంచి సంగనేరి రాఖీ
- పూణే నుంచి సీడ్ రాఖీ
- జార్ఖండ్ నుంచి వెదురు రాఖీ
- అస్సాం నుంచి టీ లీఫ్ రాఖీ
- బీహార్ నుంచి మధుబని రాఖీ
ఈ రాఖీలు అందాన్ని మాత్రమే కాకుండా, స్థానిక కళాకారులు, మహిళా వ్యవస్థాపకులు, చేతివృత్తులవారు వంటి వారిని ఆర్థికంగా ప్రోత్సహిస్తున్నాయి.
స్థానికతను ఆదరిస్తున్న భారతీయ వినియోగదారుడు
ప్రస్తుతం భారత వినియోగదారుడు దేశీయ ఉత్పత్తులపై గర్వంగా నిలుస్తున్నాడు. “నా దేశం – నా ఉత్పత్తులు” అన్న భావనతో ప్రతి ఇంట్లో చైతన్యం కనిపిస్తోంది. ఇది మహిళా సాధికారత, దేశీయ పరిశ్రమ అభివృద్ధికి ఊతమిచ్చే మార్గంగా మారుతోందని CAIT నేతలు స్పష్టం చేశారు.
Also Read : Stock Market Crash Shocking : సెన్సెక్స్ 560 పాయింట్ల నష్టంతో పతనమైన స్టాక్ మార్కెట్