Toxic : పాన్ ఇండియా స్టార్ హీరో యశ్ సంచలనంగా మారాడు. భారీ ఖర్చుతో టాక్సిక్ (Toxic) సినిమా తీస్తున్నారు. ఇప్పటికే ముంబైలో 45 రోజుల పాటు షూటింగ్ పూర్తి చేసుకుంది. తాజాగా చివరి షెడ్యూల్ బెంగళూరు లో ప్రారంభమైంది. ఈ చిత్రంపై భారీ అంచనాలు నెలకొన్నాయి. ఇప్పటి వరకు విడుదల చేసిన పోస్టర్స్ కెవ్వు కేక అనిపించేలా ఉన్నాయి. సోషల్ మీడియాను షేక్ చేస్తున్నాయి. ముంబైలో జరిగిన షూటింగ్ లో కీలకమైన సన్నివేశాలను చిత్రీకరించారు మూవీ మేకర్స్. అత్యంత సవాలుతో కూడిన, పెద్ద ఎత్తున యాక్షన్ షూట్లలో ఒకటిగా ప్రశంసించ బడుతోంది. ముంబైలోని బహుళ ప్రదేశాలలో చిత్రీకరించారు. హాలీవుడ్ యాక్షన్ డైరెక్టర్ జెజె పెర్రీ నిపుణుల పర్యవేక్షణలో ఆర్కెస్ట్రేట్ చేయబడిన హై-ఇంటెన్సిటీ యాక్షన్ సన్నివేశాలతో ముంబై భాగం నిండి పోయింది.
Hero Yash Toxic Movie Updates
దీంతో చిత్ర బృందం సినిమా షూటింగ్లో గణనీయమైన భాగాన్ని పూర్తి చేసింది. సెప్టెంబర్ చివరి వారంలో ప్రొడక్షన్ దాని చివరి షెడ్యూల్ కోసం బెంగళూరుకు వెళుతుంది. దీనితో టాక్సిక్ చిత్రీకరణ ముగుస్తుంది. గీతు మోహన్దాస్ టాక్సిక్ పై ఫుల్ ఫోకస్ పెట్టారు. ప్రశాంత్ నీల్ దర్శకత్వంలో వచ్చిన కేజీఎఫ్ మూవీతో దుమ్ము రేపాడు హీరో యశ్. తనకంటూ ఓ స్పెషల్ ఇమేజ్ ఉంది. ఏ పాత్ర ఇచ్చినా వంద శాతం న్యాయం చేస్తాడు. ఒక రకంగా తను దర్శకులకు కావాల్సిన హీరో అని ప్రకటించాడు నీల్. తను ప్రస్తుతం జూనియర్ ఎన్టీఆర్ తో మూవీ చేస్తున్నాడు. ఇప్పటికే టాక్సిక్ కోసం తన వ్యక్తిగత పనులను క్యాన్సిల్ చేసుకున్నాడు. ఇప్పటి వరకు ఆరు నెలల పాటు షూటింగ్ జరిగింది. ఈ టాక్సిక్ చిత్రాన్ని సవాల్ గా తీసుకుంది గీతు మోహన్ దాస్. దీనిని ఏకకాలంలో కన్నడ, ఆంగ్లంలో చిత్రీకరిస్తున్నారు. హిందీ, తెలుగు, కన్నడ, తమిళం, మలయాళం భాషలలో రిలీజ్ చేయాలని చూస్తున్నారు.
Also Read : Oscars 2026 – Beauty Janhvi’s Movie : ఆస్కార్ 2026 బరిలో హోమ్ బౌండ్