హైద‌రాబాద్ : ఎంతో ఉత్కంఠ‌ను రేపుతోంది కల్కి-2 మూవీ గురించి. ఈ సినిమా సీక్వెల్ గా వ‌స్తోంది. దీనికి ద‌ర్శ‌క‌త్వం వ‌హిస్తున్నారు నేచుర‌ల్ ద‌ర్శ‌కుడు నాగ్ అశ్విన్. ఈ సినిమాలో కీ రోల్ పోషిస్తున్నారు సాయి పల్లవి. ‘ఫౌజీ’ విడుదల వాయిదా పడటంతో ఆ సినిమాకు , సందీప్ రెడ్డి వంగా దర్శకత్వంలో రాబోయే ‘స్పిరిట్’ చిత్రానికి మధ్య తగినంత సమయ వ్యత్యాసం ఉండేలా చూసేందుకు ‘స్పిరిట్’ విడుదల కూడా వాయిదా పడవచ్చని కొన్ని వార్తలు వస్తున్నాయి. పాన్-ఇండియా స్టార్ ప్రభాస్ ప్రస్తుతం మూడు ప్రతిష్టాత్మక ప్రాజెక్ట్‌లతో బిజీగా ఉన్నారన్న విషయం తెలిసిందే. హను రాఘవపూడి దర్శకత్వంలోని ‘ఫౌజీ’ విడుదల తేదీ వాయిదా పడటంతో, చాలామంది ఈ సినిమా గణతంత్ర దినోత్సవం సందర్భంగా 2027 జనవరి 26న థియేటర్లలోకి వస్తుందని భావిస్తున్నారు. పొంగల్ సీజన్‌లో ఇప్పటికే అరడజనుకు పైగా సినిమాలు విడుదల కానుండటంతో, ఆ సమయంలో ‘ఫౌజీ’ని విడుదల చేయడం రిస్క్‌తో కూడుకున్న పని కావచ్చు.
మరోవైపు అత్యుత్తమ అవుట్‌పుట్ కోసం మిగిలిన షూటింగ్, పోస్ట్-ప్రొడక్షన్ పనులను పూర్తి చేయాల్సిన అవసరం కూడా ఉంది. ‘ఫౌజీ’ వాయిదా పడటంతో ఆ సినిమాకు సందీప్ రెడ్డి వంగా ‘స్పిరిట్’ చిత్రానికి మధ్య తగినంత సమయ వ్యత్యాసం ఉండేలా చూసేందుకు ‘స్పిరిట్’ విడుదల కూడా వాయిదా పడవచ్చని కొన్ని వార్తలు వస్తున్నాయి. ఇక నాగ్ అశ్విన్ దర్శకత్వంలోని ‘కల్కి 2’ విషయానికొస్తే, ఇది భారీ బ్లాక్‌బస్టర్ చిత్రానికి సీక్వెల్ కావడంతో ఈ సైన్స్-ఫిక్షన్ థ్రిల్లర్ పై భారీ అంచనాలు ఉన్నాయి. విశ్వసనీయ వర్గాల సమాచారం ప్రకారం ఈ సినిమా షూటింగ్ అక్టోబర్ 17న హైదరాబాద్‌లో తిరిగి ప్రారంభం కావచ్చు. మొదటి భాగంలో సుమతి పాత్రను దీపికా పదుకొణె పోషించినప్పటికీ, వివిధ కారణాల వల్ల ఆమె రెండో భాగం నుండి తప్పుకున్నారు. అందుకే ఈ సీక్వెల్‌లో దీపిక స్థానంలో సాయి పల్లవిని తీసుకుంటున్నట్లు సమాచారం. తాజా షెడ్యూల్‌లో ఆమె కూడా షూటింగ్‌లో పాల్గొననున్నారు. అయితే ప్రభాస్ ప్రస్తుతం ‘ఫౌజీ’ సినిమాతో బిజీగా ఉన్నందున త‌ను డిసెంబర్ నుండి ఈ సినిమా షూటింగ్‌లో పాల్గొంటారని భావిస్తున్నారు.