TVK Vijay : చెన్నై : టీవీకే పార్టీ చీఫ్ దళపతి విజయ్ ఫుల్ ఫోకస్ పెట్టారు తమిళనాడు రాష్ట్రంలో. ఇప్పటికే ఎన్నికల ప్రచారానికి శ్రీకారం చుట్టారు. భారీ ఎత్తున ఆదరణ లభిస్తోంది. తమిళనాడులోని కరూర్లోని నామక్కల్లో ప్రచారానికి ప్లాన్ చేశారు. నాగపట్నం, తిరువారూర్ జిల్లాల్లో విజయ్ (TVK Vijay) ప్రచారం చేశారు. శనివారం నామక్కల్ , కరూర్లలో నటుడు-రాజకీయ నాయకుడు విజయ్ ప్రచారానికి ముందు, తమిళగ వెట్రి కజగం (టీవీకే) భారీ ప్రజా సమావేశాన్ని ఆశించి విస్తృత ఏర్పాట్లు చేసింది. ఇప్పటికే రోడ్లు బ్యానర్లు, పార్టీ జెండాలతో అలంకరించారు. భారీ ఎత్తున ఫోకస్ సారించారు విజయ్. తమ నాయకుడిని చూడటానికి ముందుగానే గుమిగూడే జన సమూహానికి సేవ చేయడానికి, టీవీకే జిల్లా విభాగం ఇవాళ నుండి 10,000 కి పైగా నీటి సీసాలను ఉచితంగా పంపిణీ చేయడానికి ఏర్పాట్లు చేస్తోంది.
TVK Vijay Campaign
ఇదిలా ఉండగా విజయ్ సందర్శించ బోయే అన్ని ప్రాంతాలలో తన చిత్రం ఉన్న బాటిళ్లను సరఫరా చేస్తామని టీవీకే పార్టీ నేత ఒకరు వెల్లడించారు. ఇక్కడ పండుగ వాతావరణం నెలకొందన్నారు. తాము ఈ కీలకమైన ఈ సందర్భాన్ని పండుగలా జరుపు కుంటున్నామని పేర్కొన్నారు . ఇంతలో ప్రజా భద్రతను నిర్ధారించడానికి, ప్రచారం సమయంలో ఏవైనా అవాంఛనీయ సంఘటనలు జరగకుండా నిరోధించడానికి పోలీసు సిబ్బంది ట్రాఫిక్ నిబంధనలు, ఇతర చర్యలను అమలు చేశారు. సెప్టెంబర్ 20న విజయ్ నాగపట్నం, తిరువారూర్ జిల్లాల్లో ప్రచారం నిర్వహించారు. ఈసారి ఎన్నికల్లో అన్నా డీఎంకే, డీఎంకే, టీవీకే పార్టీల మధ్య త్రిముఖ పోటీ నెలకొంది. విజయ్ ఎంట్రీతో కీలక మార్పులు చోటు చేసుకోనున్నాయి.
Also Read : MLA Samuel Fired on Ilaiah : ప్రభుత్వ విప్ ఐలయ్యపై ఎమ్మెల్యే సామెల్ ఫైర్