హైద‌రాబాద్ : ప్ర‌ముఖ హాస్య న‌టుడు, ప్ర‌యోక్త ఆలీ సంచలన వ్యాఖ్య‌లు చేశారు. ఆయన ప్ర‌త్యేకించి తెలుగు చ‌ల‌న చిత్ర పరిశ్రమ గురించి ప్ర‌త్యేకంగా ప్ర‌స్తావించారు. శుక్ర‌వారం త‌ను ఆస‌క్తిక‌ర వ్యాఖ్య‌లు చేయడం క‌ల‌క‌లం రేపింది. ఆయన తెలుగు ప్రతిభను ప్రశంసించారు, బాలీవుడ్ న‌టీ న‌టుల‌ను విమర్శించారు. తెలుగు రాష్ట్రాల వెలుపలి నటీమణులకు పరిశ్రమ ఇస్తున్న ప్రాధాన్యతపై మరోసారి దృష్టిని ఆకర్షించాయి. ఇతర చిత్ర పరిశ్రమల నటీమణులపై ఎక్కువగా ఆధార పడకుండా స్థానిక ప్రతిభను ప్రోత్సహించాలని, తెలుగు మాట్లాడే అమ్మాయిలను హీరోయిన్లుగా తీసుకోవాలని తెలుగు చిత్ర నిర్మాతలను కోరారు. మనం బాలీవుడ్ నుండి నటీమణులను దిగుమతి చేసుకుని, వారికి వసతి, వాహనాలు కల్పిస్తున్నామని పేర్కొన్నారు. వారి పరివారానికి కూడా భారీగా చెల్లిస్తున్నామని ఆవేద‌న వ్య‌క్త చేశారు.. వారిలో కొందరు 30 నుండి 40 తెలుగు సినిమాలు చేసినా, వారికి ఒక్క తెలుగు పదం కూడా మాట్లాడటం రాదంటూ మండిప‌డ్డారు.
సెట్స్‌లో సూచనలపై ఆధార పడతారే త‌ప్పా ఏమీ చేయ‌లేరంటూ పేర్కొన్నారు న‌టుడు ఆలీ. హనుమాన్ నుండి పుష్ప 2 వరకు: బాక్సాఫీస్‌ను షేక్ చేసిన టాలీవుడ్ సినిమాలు. ప్రకటన. అందంగా ఉండి, బాగా నటించగల తెలుగు అమ్మాయిలకు పరిశ్రమలో మరిన్ని అవకాశాలు ఇవ్వాలని ఆయన అన్నారు. నేను గత 15 ఏళ్లుగా ఇదే చెబుతున్నాను. మన సొంత అమ్మాయిలను ప్రోత్సహించాల్సిన సమయం వచ్చిందని పేర్కొన్నారు. టాలీవుడ్ తరచుగా ఇతర చిత్ర పరిశ్రమల నటీమణులకు అవకాశాలు ఇస్తుంటుంది. పలువురు బాలీవుడ్ తారలు తెలుగు చిత్రసీమలో అరంగేట్రం చేయడం లేదా తెలుగు చిత్రాలలో నటించడం వంటివి చేస్తుంటారు. జాన్వీ కపూర్, తమన్నా భాటియా, కాజల్ అగర్వాల్, రకుల్ ప్రీత్ సింగ్, నోరా ఫతేహి, కియారా అద్వానీ, ఆలియా భట్ , సోనాక్షి సిన్హా వంటి వారు తెలుగు చిత్రసీమలో నటించిన నటీమణులలో కొందరు ఉన్నార‌ని అన్నారు.
