హైదరాబాద్ : బుల్లితెరపై జనాదరణ పొందుతోంది రియాల్టీ షో బిగ్ బాస్ 10 . దీనికి హోస్ట్ గా మరోసారి నిర్వహిస్తున్నారు ప్రముఖ నటుడు అక్కినేని నాగార్జున. పోటీదారులు ఇప్పటికే ఆటలోకి ప్రవేశించారు. అత్యంత విలువైన ‘మ్యాజికల్ కీస్’ గెలుచుకునేందుకు వారు పోటీ పడుతుండగా టాస్క్లు వెంటనే ప్రారంభం అయ్యాయి. ‘బిగ్ బాస్ తెలుగు 10’ గ్రాండ్ లాంచ్ ఎన్నడూ చూడని ఒక సరికొత్త మలుపుతో మొదలైంది. ఈ సీజన్ గత సీజన్ల కంటే భిన్నంగా ఉంటుందని, ప్రతి వారం ఒక సరికొత్త అవతారం ,పూర్తిగా భిన్నమైన సవాలు పరిచయం చేయబడతాయని ‘కింగ్’ నాగార్జున ప్రకటించారు. ఈ సీజన్ యొక్క మొదటి అవతారంగా ‘మహాపరీక్ష’ను పరిచయం చేశారు. ప్రస్తుతం ఇంట్లో ఇంకా ఎవరూ ‘హౌస్మేట్స్’ (శాశ్వత సభ్యులు) కాలేదని ఆయన స్పష్టం చేశారు.
ప్రస్తుతానికి వారందరూ కేవలం పోటీదారులు మాత్రమే. బిగ్ బాస్ ఇంట్లో వారి ప్రయాణం వారి సామర్థ్యాలను పరీక్షించే ఒక సవాలుతో మొదలవుతుంది. ‘బిగ్ బాస్ తెలుగు 10’ ‘దశావతారం’ (పది అవతారాల పర్వం) ‘మహాపరీక్ష’తో ప్రారంభమవుతుందని నాగార్జున ప్రకటించారు. ఒక నాటకీయ సందర్భంలో ఆయన బిగ్ బాస్ ఇంటి తలుపులు మూసివేసి పోటీదారులతో ఇలా అన్నారు. వచ్చే శనివారం కలుద్దాం అని వెల్లడించారు. అప్పటి వరకు మీ అందరికీ ఇది మహాపరీక్ష అని పేర్కొన్నారు నాగార్జున. దీనితో ‘బిగ్ బాస్ తెలుగు 10స మొదటి వారం అధికారికంగా ‘మహాపరీక్ష వారం’గా ప్రకటించ బడింది. ఇది తీవ్రమైన పోటీ, ఊహించని మలుపులు , ఒత్తిడితో కూడిన సవాళ్లతో కూడుకున్నదిగా ఉండబోతోంది. పోటీదారులు ఇప్పటికే ఆటలోకి ప్రవేశించారు, విలువైన ‘మ్యాజికల్ కీస్’ గెలుచు కునేందుకు వారు పోటీపడుతుండగా టాస్క్లు వెంటనే మొదలయ్యాయి. మొదటి వారం సాగుతున్న కొద్దీ, వారి ప్రయాణాన్ని నిర్ణయించడంలో ఈ తాళం చెవులు కీలక పాత్ర పోషిస్తాయని భావిస్తున్నారు.