హైద‌రాబాద్ : ‘రోడ్ టు రీలోడ్’ టాస్క్ కొనసాగడంతో బిగ్ బాస్ తెలుగు 10 తాజా ఎపిసోడ్ అనేక మలుపులు తిరిగింది. సుధీర్ హౌస్ కొత్త కెప్టెన్‌గా అవతరించగా ఝాన్సీ ఎలిమినేషన్ ముప్పు నుండి తనను తాను కాపాడు కోవడానికి ఒక తెలివైన నిర్ణయం తీసుకుంది. ఈ ఎపిసోడ్‌లో త్యాగాలు, వాదనలు , కంటెస్టెంట్ల స్థానాల్లో ఊహించని మార్పులు కూడా చోటు చేసుకున్నాయి. అత్యంత తక్కువ స్కోరు సాధించిన ముఖేష్-ఝాన్సీ , రోహిత్-శాలిని జంటల కోసం బిగ్ బాస్ ఒక ట్విస్ట్‌ను ప్రకటించాడు. ప్రతి జంట నుండి ఒక కంటెస్టెంట్ మాత్రమే సేఫ్టీ కోసం పోటీ పడగలరు, మరొకరు డేంజర్ జోన్‌లోనే ఉండాల్సి వచ్చింది.
ముఖేష్ పోటీ పడటానికి వీలుగా ఝాన్సీ తన అవకాశాన్ని వదులుకుంది. తనను తాను రక్షించు కోవడానికి తనకున్న ప్రత్యేక మాయా శక్తిని తర్వాత ఉపయోగించు కోవచ్చని ఆమె నమ్మింది. ఎవరు తప్పుకోవాలనే దానిపై రోహిత్, శాలిని కూడా తర్జన భర్జన పడ్డారు. చివరికి రోహిత్ తన అవకాశాన్ని త్యాగం చేసి శాలినిని పోటీలో కొనసాగనిచ్చాడు. ఆ తర్వాత, ఝాన్సీ, దేబ్జాని న్యాయ నిర్ణేతలుగా వ్యవహరించిన ఒక ఫన్ టాస్క్‌లో హౌస్‌మేట్స్ పాల్గొన్నారు. యాదృచ్ఛికంగా ఎంపిక చేసిన టైల్స్ నుండి తీసిన విభిన్న సూచనలను పోటీదారులు పాటించాల్సి వచ్చింది. ఈ ఛాలెంజ్‌లలో స్లో-మోషన్ ఫైట్, డ్యాన్స్ పోటీ, ఇతర వినోదాత్మక కార్యకలాపాలు ఉన్నాయి.
నరేష్ దోమలా అనుకరించి హౌస్‌మేట్స్‌ను అలరించగా చరణ్‌తో జరిగిన డ్యాన్స్ ఛాలెంజ్‌లో రామ్ ప్రసాద్ అందరినీ ఆకట్టుకున్నాడు. టాస్క్ ముగిసేసరికి రామ్ ప్రసాద్, నరేష్ మొదటి స్థానంలో నిలవగా, ఆ తర్వాతి స్థానాల్లో చరణ్, అపూర్వ నిలిచారు. ముఖేష్, శాలిని చివరి స్థానాల్లో నిలిచారు. గెలిచిన జంటలో ఒకరు మాత్రమే సేఫ్ జోన్‌లోకి ప్రవేశించగలరని బిగ్ బాస్ ప్రకటించాడు. మొదట రామ్ ప్రసాద్, నరేష్ ఇద్దరూ తమ అవకాశాన్ని త్యాగం చేయడానికి ముందుకు వచ్చినా చివరికి రామ్ ప్రసాద్ సేఫ్ జోన్‌లోకి ప్రవేశించాడు.
ముకేష్‌కు పోటీపడే అవకాశం ఇచ్చిన తర్వాత ఝాన్సీ తనను తాను తొలగింపు నుండి కాపాడు కోవడానికి తన మాయా తాళాన్ని ఉపయోగించింది. లీడర్‌బోర్డ్ ఆధారంగా ఆమె అప్పటికే ప్రమాదకర జోన్‌లోకి ప్రవేశించినందున, ఆమె తీసుకున్న ఈ నిర్ణయం చాలా ముఖ్యమైనదిగా నిరూపించబడింది. ఈ ఎత్తుగడ ఆమెకు ఎలిమినేషన్ ప్రమాదాన్ని తగ్గించు కోవడానికి సహాయ పడటంతో పాటు, ముఖేష్‌కు పోటీపడే అవకాశాన్ని కూడా ఇచ్చింది. వైల్డ్‌కార్డ్ కంటెస్టెంట్లు ఆటను ప్రభావితం చేసే అవకాశం ఉన్నందున, ఆమె నిర్ణయం హౌస్ భవిష్యత్ వ్యూహాలను కూడా ప్రభావితం చేయవచ్చు.