SCR : హైదరాబాద్ – భారీ వర్షం, వరదల కారణంగా పట్టాలు దెబ్బ తినడంతో హైదరాబాద్ , నిజామాబాద్ మధ్య రైళ్ల రాకపోకలు శుక్రవారం వరుసగా మూడో రోజు కూడా నిలిచి పోయాయి. హైదరాబాద్ డివిజన్లోని భిక్నూర్ – తల్మడ్ల సెక్షన్ , అకాన్పేట్ – మెదక్ సెక్షన్లలో పట్టాలపై నీరు పొంగిపొర్లడంతో దక్షిణ మధ్య రైల్వే (SCR) కొన్ని రైళ్లను రద్దు చేసింది,. మరికొన్ని రైళ్లను పాక్షికంగా రద్దు చేసింది. ఇంకొన్ని ట్రైన్లలను దారి మళ్లించింది.
SCR Announced
కాచిగూడ – నార్ఖేడ్ (రైలు నంబర్ 17641), కాచిగూడ – పూర్ణ (77605), నార్ఖేర్ – కాచిగూడ (17642) , బోధన్ – కాచిగూడ (57414) రైళ్లు రద్దు చేశారు. కాచిగూడ – మెదక్ (77603), మెదక్ – కాచిగూడ (77604), మెదక్ – కాచిగూడ (57302), మల్కాజిగిరి – సిద్దిపేట (77653), సిద్దిపేట – మల్కాజ్గిరి (77654), మల్కాజిగిరి – సిద్దిపేట (77655) రైళ్లను నిలిపి వేశారు.
కాచిగూడ – బోధన్ (57411) కల్వరి బ్యారక్స్ మరియు బోధన్ మధ్య రద్దు చేశారు. కాచిగూడ – మెదక్ (57301) మేడ్చల్ ,మెదక్ మధ్య రద్దు చేశారు. లింగంపల్లి – ముంబై CSMT (17058) సికింద్రాబాద్ – కాజీపేట – పెద్దపల్లి బైపాస్ – కరీంనగర్ – ఆర్మూర్ – నిజామాబాద్ మీదుగా దారి మళ్లించారు. సికింద్రాబాద్-నిజామాబాద్ మధ్య స్టాప్లు దాటవేశారు.
ఆగస్ట్ 27న బయలుదేరిన భగత్ కీ కోఠి -కాచిగూడ (17606), నిజామాబాద్-ఆర్మూర్-కరీంనగర్ పెద్దపల్లి బైపాస్- కాజీపేట – మౌలా అలీ ‘జి’- కాచిగూడ మీదుగా మళ్లించారు. సీఎస్టీ ముంబై – లింగంపాల్ (17057) నిజామాబాద్- ఆర్మూర్ – కరీంనగర్ పెద్దపల్లి బైపాస్- కాజీపేట మీదుగా మళ్లించారు. కాచిగూడ – భగత్ కీ కోఠి (17605) కాచిగూడ – మౌలా లీ -కాజీపేట-పెద్దపల్లి బై-పాస్-కరీంనగర్-నిజామాబాద్ మీదుగా మళ్లించారు.
గతంలోప్రతికూల వాతావరణం కారణంగా సికింద్రాబాద్ డివిజన్లో 14 రైళ్లను రద్దు చేస్తున్నట్లు దక్షిణ మధ్య రైల్వే (SCR) ప్రకటించింది. వీటిలో కాజీపేట-సిర్పూర్ టౌన్, బ్లహర్షా-కాజీపేట, కాజీపేట-బల్హర్షా, బీదర్-కలబుర్గి, కలబుర్గి-బీదర్, కరీంనగర్-సిర్పూర్ టౌన్, సిర్పూర్ టౌన్-కరీంనగర్, కరీంనగర్-బోధన్ , బోధన్-కరీంనగర్ ఉన్నాయి.
మరో నాలుగు రైళ్లను పాక్షికంగా రద్దు చేశారు. భద్రాచలం-బల్హర్షా (17033) కాజీపేట-బల్హర్షా మధ్య, సిర్పూర్ టౌన్-భద్రాచలం (17034) సిర్పూర్ టౌన్-కాజీపేట మధ్య రద్దు చేశారు. సికింద్రాబాద్-సిర్పూర్ కాగజ్నగర్ (17233) కాజీపేట-సిర్పూర్ కాఘజ్నగర్ మధ్య రద్దయింది. (17233) కాజీపేట-సిర్పూర్ కాఘజ్నగర్ మధ్య రద్దు చేశారు.
ఇదిలా ఉండగా మెదక్ జిల్లా శమ్నాపూర్ రైల్వే బ్రిడ్జి కింద వరదనీరు ప్రవహించడంతో ఓ రైతు రైల్వే సిబ్బందిని అప్రమత్తం చేయడంతో పెనుప్రమాదం తప్పింది. వరద నీటిలో మట్టి, కంకర కొట్టుకుపోయింది. సికింద్రాబాద్-నిజామాబాద్ మరియు అక్కన్నపేట-మెదక్ మార్గాల్లో రైలు సేవలను అధికారులు వెంటనే నిలిపివేశారు. అధికారులు సంఘటనా స్థలానికి చేరుకుని రైల్వే ట్రాక్ పునరుద్ధరణ పనులను ప్రారంభించారు.
ఇంతలో, నాందేడ్ యార్డ్లో భారీ వర్షం కారణంగా నీరు నిలిచి పోవడంతో దక్షిణ మధ్య రైల్వే (SCR) రెండు రైళ్లను కూడా రద్దు చేసింది. రద్దు చేయబడిన రైళ్లు నాందేడ్ – ధర్మవరం (07189) , ధర్మవరం – నాందేడ్ (07190), ఇవి ఆదివారం బయలుదేరాల్సి ఉన్నాయి.
Also Read : Huge Rains – Educational Institutions Holidays : పలు జిల్లాల్లో విద్యా సంస్థలకు సెలవులు