ఆంధ్రప్రదేశ్: రాయలసీమ జోన్లో ఆర్టీసీ కార్గో సేవల ఆదాయం పెరగడ ఆర్టీసీకి అదనపు బలాన్ని కలిగిస్తోంది. ఈ విషయాన్నిరాష్ట్ర రోడ్డు రవాణా సంస్థ మండిపల్లి రాం ప్రసాద్ రెడ్డి వెల్లడించారు. సరుకు రవాణాను బలోపేతం చేయడానికి గత కొన్నేళ్లుగా చేసిన ప్రత్యేక కృషి అద్భుతమైన ఫలితాలను ఇచ్చిందని తెలిపారు. కడప: ప్రభుత్వ రంగ సంస్థ అయిన APSRTC బస్సులు కేవలం ప్రయాణికులతోనే కాకుండా, కార్గో సేవలు , పార్శిల్ రవాణా ద్వారా వచ్చే ఆదాయంలోనూ గణనీయమైన వృద్ధిని నమోదు చేస్తున్నాయి. రాయలసీమ జోన్లో కార్గో కార్యకలాపాలు సంస్థకు కీలక ఆదాయ వనరుగా మారాయి. సరుకు రవాణాను బలోపేతం చేయడానికి గత కొన్నేళ్లుగా చేసిన కృషి మంచి ఫలితాలను ఇచ్చిందని పేర్కొన్నారు మంత్రి.
కడప కేంద్రంగా పనిచేస్తున్న రాయలసీమ జోన్ పరిధిలోకి, పూర్వపు కర్నూలు, అనంతపురం, కడప , చిత్తూరు జిల్లాల నుండి ఏర్పడిన ఎనిమిది జిల్లాలు వస్తాయి. ఈ జోన్ ప్రస్తుతం కార్గో సేవల ద్వారా నెలకు సగటున రూ. 5.50 కోట్ల ఆదాయాన్ని ఆర్జిస్తోంది, ఇది ఒక చెప్పుకోదగ్గ విజయం. ప్రతి జిల్లాలో సుమారు 1,200 నుండి 1,300 సర్వీసులు నడుస్తుండగా, డిమాండ్ను బట్టి అన్ని మార్గాల్లోనూ కార్గో సదుపాయాలు కల్పిస్తున్నారు. రాయలసీమ జోన్ కార్గో సేవల చీఫ్ జనరల్ మేనేజర్ ఎం. గోపీనాథ్ మాట్లాడుతూ, ప్రైవేట్ ఆపరేటర్లతో పోలిస్తే, APSRTC తక్కువ ఛార్జీలను అందిస్తుంది . పార్శిళ్లను సకాలంలో చేరవేస్తుంది. ఈ ప్రయోజనాలు మా కార్గో సేవల స్థిరమైన వృద్ధికి దోహద పడ్డాయి, ఇవి ఇప్పుడు సంస్థకు నమ్మదగిన ఆదాయ వనరుగా మారాయ అని అన్నారు.
రాయలసీమలోని ఎనిమిది జిల్లాల్లో ఏడు ప్రధాన బస్సు డిపోలు కార్యకలాపాలను చురుకుగా నిర్వహిస్తున్నాయి. ఆర్టీసీ సేవల ద్వారా నెలకు సగటున 70,000కు పైగా పార్శిళ్లు పంపిణీ చేయబడుతున్నాయి. జూన్ నెలలో నమోదైన గణాంకాలు రాష్ట్రంలోనే అత్యధిక స్థాయిలలో ఉన్నాయని తెలిపారు. ఏపీ ప్రభుత్వం ప్రవేశపెట్టిన ‘స్త్రీ శక్తి’ పథకం ద్వారా ఆర్టీసీ బస్సుల్లో మహిళలకు ఉచిత ప్రయాణ సదుపాయం కల్పించడంతో, రాష్ట్రవ్యాప్తంగా బస్సుల్లో ప్రయాణికుల రద్దీ (ఆక్యుపెన్సీ) 90 శాతానికి పైగా పెరిగింది. ప్రయాణికుల రద్దీ అధికంగా ఉన్నప్పటికీ, ఆర్టీసీ తన పార్శిల్ సేవలను విజయవంతంగా విస్తరించ గలిగింది.