Rakhi Festival : శ్రావణ మాసంలో పౌర్ణమి రోజున జరుపుకునే రాఖీ పౌర్ణమి భారతీయ సాంప్రదాయాల్లో సోదర – సోదరీమణుల మధ్య ప్రేమ, అపారమైన బంధానికి ప్రతీకగా నిలుస్తుంది. ఈ పర్వదినాన సోదరీమణులు తమ సోదరుల చేతికి రాఖీ (Rakhi Festival) కట్టి వారి క్షేమానికి ఆకాంక్షిస్తూ మంత్రాలు జపిస్తారు. దీనిని రక్షా బంధన్గా పిలుస్తారు.
Rakhi Festival Facts
రాఖీ ధరించే కాల వ్యవధి గురించి చాలామందిలో సందేహాలుంటాయి. కొందరు అదే రోజున లేదా మరుసటి రోజు రాఖీని తీసేస్తారు. మరికొందరు మాత్రం అనేక రోజులు చేతికి కట్టుకుని ఉంచుతారు. అయితే పండితుల మాటల ప్రకారం, రాఖీని ఎక్కువ రోజులు ధరించడం శుభకరం కాదని విశ్వసిస్తారు.
వైదిక పరంగా రాఖీ తొలగింపు విషయంలో ఖచ్చితమైన ముహూర్తం ప్రస్తావించనప్పటికీ, పండుగ పూర్తయ్యే రోజున లేదా ఆ తర్వాత వచ్చే శ్రీ కృష్ణ జన్మాష్టమి రోజున రాఖీని తీసి మొక్కకు కట్టడం శుభదాయకం అని పెద్దలు సూచిస్తున్నారు. దీనివల్ల కుటుంబానికి శుభఫలితాలు కలుగుతాయని నమ్మకం.
రాఖీ కాలక్రమేణా జడగా మారి పడిపోతే దానిని తొక్కడం వల్ల అపశకునం కలగవచ్చన్న భయం కూడా హిందూ సంప్రదాయంలో ఉంది. అందువల్ల రాఖీని శుభ సమయాన తీసి పచ్చని మొక్కకు కట్టడం ఉత్తమమని పండితులు సలహా ఇస్తున్నారు.
ఈ పండుగ ద్వారా అన్నదమ్ముల, అక్కచెల్లెమ్మల మధ్య ఉన్న బంధం మరింత బలపడుతుందని విశ్వాసం. భౌతిక ప్రపంచంలో ఎన్ని మార్పులు వచ్చినా, రాఖీ పౌర్ణమి వంటి పండుగలు భారతీయ సంస్కృతిని, కుటుంబ బంధాలను పదిలంగా కాపాడుతున్నాయి.
Also Read : Chia Seeds Interesting Facts : ఆ గింజలు చూడటానికి చిన్నవే కానీ..పేగులు శుభ్రం చేయడంలో దిట్ట