Raisins : పండ్లలో పోషకాలతో పరిపూర్ణమైనదిగా పేరుగాంచిన ద్రాక్షను ఎండబెట్టి తయారయ్యే ఎండుద్రాక్ష ఆరోగ్య పరిరక్షణలో కీలక పాత్ర పోషిస్తుంది. ముఖ్యంగా రాత్రిపూట నీటిలో నానబెట్టి ఉదయం ఖాళీ కడుపుతో తాగే ఎండుద్రాక్ష నీరు శరీరానికి అనేక విధాలుగా మేలు చేస్తుందన్నది వైద్య నిపుణుల అభిప్రాయం.
ఎండుద్రాక్ష (Raisins) సహజ తీపిని కలిగి ఉండటంతో పిల్లలు మొదలుకుని పెద్దల వరకు అందరికీ ఇష్టమైన డ్రై ఫ్రూట్. అయితే దీన్ని నీటిలో నానబెట్టి తీసుకుంటే మిగిలిపోయే నీటిని చాలా మంది పారేసేస్తారు. కానీ నిపుణుల ప్రకారం, అదే నీరు శక్తివంతమైన ఆరోగ్య రహస్యం.
Raisins – ముఖ్యమైన ఆరోగ్య ప్రయోజనాలు:
రోగనిరోధక శక్తి పెరుగుతుంది:
ఈ నీరు శరీరంలో టాక్సిన్లను తొలగించి జీర్ణక్రియను మెరుగుపరుస్తుంది. మారుతున్న వాతావరణంలో వైరల్ ఇన్ఫెక్షన్లకు ఇది సహజ నివారణగా పనిచేస్తుంది.
రక్తహీనతపై ప్రభావం:
ఇనుము అధికంగా ఉండే ఎండుద్రాక్ష, హిమోగ్లోబిన్ స్థాయిని పెంచుతుంది. ముఖ్యంగా మహిళలు, టీనేజర్లకు ఇది ఎంతో ప్రయోజనకరం.
రక్తపోటు నియంత్రణకు సహాయపడుతుంది:
ఇందులో ఉన్న పొటాషియం ధమనులను శమింపజేసి, గుండె పనితీరును మెరుగుపరచుతుంది. అధిక రక్తపోటుతో బాధపడేవారికి ఇది ఉపశమనంగా ఉంటుంది.
జీర్ణక్రియ సమస్యలకు పరిష్కారం:
ఫైబర్ సమృద్ధిగా ఉండటంతో ఇది మలబద్ధకం, అజీర్ణం లాంటి సమస్యలకు సహజ మార్గంగా పనిచేస్తుంది.
కాలేయ శుద్ధికి ఉపయోగపడుతుంది:
కాలేయాన్ని శుభ్రపరచడంలో నానబెట్టిన ఎండుద్రాక్ష నీరు సహకరిస్తుంది. అలసట, బరువు భావం వంటి సమస్యలకు ఇది సహజ పరిష్కారం.
వినియోగం ఎలా?
ప్రతి రాత్రి ఒక కప్పు నీటిలో 15–20 ఎండుద్రాక్షలు నానబెట్టి, ఉదయం ఖాళీ కడుపుతో వాటిని నమలడం, నీటిని త్రాగడం మంచిదని నిపుణులు సూచిస్తున్నారు. అయితే మధుమేహం, గుండె సంబంధిత సమస్యలు, ఇతర తీవ్రమైన వ్యాధులు ఉన్నవారు వైద్యుడి సలహా తీసుకోవాలి.
అంతిమంగా, సహజంగా చక్కెర కలిగిన ఈ ఎండుద్రాక్ష నీటిని మితంగా తీసుకోవడం ద్వారా ఆరోగ్యాన్ని మెరుగుపరచుకోవచ్చు. ప్రతి రోజు చిన్న అలవాటుగా మారిన ఈ చిట్కా, శరీరానికి పెద్ద దీవెనగా మారవచ్చు.
Also Read : Lal Darwaza Bonalu Interesting : భాగ్య నగరంలో అంగరంగ వైభవంగా ‘లాల్ దర్వాజా బోనాల’ శోభాయాత్ర