PM Modi : రాబోయే సోమవారం (సెప్టెంబర్ 22) నుంచి అమల్లోకి రానున్న జీఎస్టీ కొత్త రేట్లపై దేశానికి ఉద్దేశించి ప్రధానమంత్రి నరేంద్ర మోదీ (PM Modi) ప్రసంగించారు. ఈ సంస్కరణలను ఆయన “నెక్ట్స్ జనరేషన్ రీఫార్మ్స్”గా అభివర్ణిస్తూ, ప్రజలకు ఇది ఒక “జీఎస్టీ (GST) సేవింగ్స్ ఫెస్టివల్” అని పేర్కొన్నారు.
PM Modi – సాధారణ ప్రజలకు ఊరట
ప్రధానమంత్రి తెలిపారు, కొత్త జీఎస్టీ రేట్లతో పేద, మధ్యతరగతి, కొత్త మధ్యతరగతి ప్రజల జీవన విధానం సులభమవుతుందని. సాధారణ వస్తువులు తక్కువ ధరలకు లభించబోతున్నాయని చెప్పారు.
రెండు పన్ను స్లాబులు మాత్రమే
ఇకపై జీఎస్టీకి కేవలం 5% మరియు 18% అనే రెండు స్లాబులు మాత్రమే ఉండనున్నాయి. ఇప్పటివరకు 12% పన్ను కింద ఉన్న 99% ఉత్పత్తులను 5% కేటగిరీకి మార్చినట్లు ప్రధాని వెల్లడించారు.
స్వదేశీపై ప్రధానమంత్రిపిలుపు
“మన స్వాతంత్ర్య పోరాటం స్వదేశీ ఉద్యమంతో బలపడింది. అలాగే, భారత్ అభివృద్ధి కూడా స్వదేశీ మంత్రంతో బలపడాలి. ‘Made in India’ ఉత్పత్తులు కొనడంలో గర్వపడాలి,” అని మోదీ అన్నారు. రాష్ట్ర ప్రభుత్వాలు కూడా ఈ దిశగా తయారీ రంగానికి ఊతమివ్వాలని ఆయన సూచించారు.
MSMEs పాత్ర కీలకం
చిన్న, మధ్యతరహా పరిశ్రమలు (MSMEs) స్వయంప్రతిపత్తి భారత్ (ఆత్మనిర్భర్ భారత్) లక్ష్యాన్ని సాధించడంలో కీలకమని మోదీ పేర్కొన్నారు. జీఎస్టీ రాయితీలు వీరికి మరింత ఉత్సాహం నింపుతాయని, అమ్మకాలు పెరిగి పన్ను భారమూ తగ్గుతుందని తెలిపారు.
వినియోగదారుడే దేవుడు
ప్రధాని వ్యాఖ్యానించారు: “నూతన జీఎస్టీ సంస్కరణలు ‘వినియోగదారుడే దేవుడు’ అనే భావజాలాన్ని ప్రతిబింబిస్తున్నాయి. మినహాయింపులు, కొత్త రేట్లు కలిపి చూస్తే, దేశ ప్రజలకు ₹2.5 లక్షల కోట్లకు పైగా ఆదా కాబోతోంది.”
డబుల్ బోనాంజా
“ఇటీవలి సంవత్సరాలలో 25 కోట్ల మంది పేదరికం నుంచి బయటపడ్డారు. వారికి కొత్త మధ్యతరగతి ఆశయాలు పెరిగాయి. ఈ ఏడాది ప్రభుత్వం ఆదాయపన్ను మినహాయింపును ₹12 లక్షల వరకు పెంచింది. ఇప్పుడు జీఎస్టీ రాయితీలతో కలిసి ఇది డబుల్ బోనాంజాగా మారింది” అని మోదీ పేర్కొన్నారు.
వృద్ధి పథంలో వేగం
ప్రధాని చెప్పారు: “ఈ జీఎస్టీ సేవింగ్స్ ఫెస్టివల్తో ప్రతి కుటుంబం ఆదా చేసుకోగలదు. దేశ ఆర్థిక వృద్ధికి ఇది కొత్త ఊపును ఇస్తుంది. పెట్టుబడులు మరింత ఆకర్షణీయమవుతాయి. ప్రతీ రాష్ట్రం అభివృద్ధి పందెంలో సమాన భాగస్వామిగా ఉంటుంది.”
జీఎస్టీ ప్రయాణం 2017 నుండి
2017లో జీఎస్టీ అమలుపడిన తర్వాత పన్నుల గందరగోళం తగ్గిందని, ఇప్పుడు మరింత సులభమైన వ్యవస్థలోకి ప్రవేశిస్తున్నామని మోదీ గుర్తుచేశారు.
Also Read : Karoline Leavitt Shocking : H-1B వీసా ఫీజు: కొత్తవారికే $1,00,000