న్యూఢిల్లీ : భారత క్రికెట్ జట్టు సారథి సూర్య కుమార్ యాదవ్ సంచలన వ్యాఖ్యలు చేశాడు. తను జాతీయ మీడియా పీటీఐకి ఇచ్చిన ఇంటర్వూలో పలు కీలక అంశాల గురించి పంచుకున్నాడు. ఈ సందర్బంగా కేరళ క్రికెటర్ సంజు శాంసన్ ఆడిన ఆట తీరు గురించి ఎంత చెప్పినా తక్కువేనని పేర్కొన్నాడు. జట్టు ప్రయోజనాల కోసం తను ఆడాడే తప్పా ఏనాడూ వ్యక్తిగత రికార్డుల కోసం ఆడిన దాఖలాలు లేవన్నాడు. తను నిజంగా అత్యద్భుతమైన క్రికెటర్ అంటూ కితాబు ఇచ్చాడు. ఇదే సమయంలో ఐసీసీ టి20 వరల్డ్ కప్ లో తనను పూర్తి స్థాయిలో ఆడించక పోవడం తప్పేనని ఒప్పుకున్నాడు. ఈ సందర్బంగా తాను సంజు శాంసన్ కు క్షమాపణ కూడా చెప్పానన్నాడు సూర్య కుమార్ యాదవ్.
ఈ టోర్నీలో మొదటి గేమ్ నుండి మేము చిన్న చిన్న నిర్ణయాలు తీసుకుంటూనే ఉన్నాం. కానీ సంజు సామ్సన్ను జట్టులోకి తీసుకున్న తర్వాత, పరిస్థితి పూర్తిగా మారి పోయిందని నేను అనుకుంటున్నాను. ఇది కొంతవరకు వ్యూహాత్మక నిర్ణయం కూడా, ఎందుకంటే ఓపెనర్లుగా ముగ్గురు ఎడమచేతి వాటం బ్యాట్స్మెన్లు బ్యాటింగ్ చేస్తున్నారు. అందువల్ల ప్రత్యర్థులు తమ ఆఫ్ స్పిన్నర్లతో బౌలింగ్ చేయడం సులభమైంది. టోర్నమెంట్కు ముందు వారికి ఆ ఆధిక్యత ఉండకూడదని మేము కోరుకున్నాం. సంజును జట్టులోకి తీసుకోవడం సరైన సమయోచితమైన నిర్ణయం అని నేను భావిస్తున్నాను, అతను ఆడిన తీరు కూడా అద్భుతం. ఇది అతనికి దక్కాల్సిన గౌరవం కూడా. అతను తెర వెనుక చాలా కష్టపడ్డాడు. అతను ఎలాంటి పరిస్థితులను ఎదుర్కొంటున్నాడో ఎవరికీ నిజంగా తెలియదు. కానీ టోర్నమెంట్ అంతటా అతను ఆడిన తీరు ‘ప్లేయర్ ఆఫ్ ది టోర్నమెంట్’గా నిలవడం అద్భుతం అని పేర్కొన్నాడు.