మెక్సికో : ఫిఫా వరల్డ్ కప్ లో ఊహించని షాక్ తగిలింది మెక్సికో జట్టుకు. మెక్సికో సిటీలో జరిగిన ప్రపంచ కప్ రౌండ్ ఆఫ్ 16 సాకర్ మ్యాచ్లో మెక్సికోను 3-2 తేడాతో ఓడించి క్వార్టర్ ఫైనల్స్ కు చేరుకుంది. గెలుపొందిన అనంతరం ఆటగాళ్లు సంబురాలలో మునిగి పోయారు. ఇది ఇంగ్లండ్ కు మరింత బలాన్ని ఇచ్చేలా చేసింది. ఇంగ్లండ్ ఆటగాడు జూడ్ బెల్లింగ్హామ్ 98 సెకన్ల వ్యవధిలో రెండు గోల్స్ చేశాడు, ఇంగ్లాండ్ 10 మంది ఆటగాళ్లకు పరిమితమైనప్పుడు హ్యారీ కేన్ పెనాల్టీని గోల్గా మార్చాడు. త్రీ లయన్స్ జట్టు ఎస్టాడియో అజ్టెకాలో మెక్సికోకు దాని మొదటి ప్రపంచ కప్ ఓటమిని అందించింది, ఆదివారం రాత్రి జరిగిన ఉత్కంఠ భరితమైన 3-2 విజయంతో క్వార్టర్ ఫైనల్స్కు చేరుకుంది.
ఇదిలా ఉండగా సాకర్ సెమీఫైనల్స్లో స్థానం కోసం ఇంగ్లాండ్ శనివారం ఫ్లోరిడాలోని మయామి గార్డెన్స్లో నార్వేతో తలపడనుంది. ఈ ఏడాది జరిగిన మూడు మ్యాచ్లతో సహా, 10 ప్రపంచ కప్ మ్యాచ్లలో మెక్సికో అజేయంగా నిలిచిన వేదికపై, 36వ నిమిషంలో హెడర్తో , కేన్ ఇచ్చిన పాస్తో 38వ నిమిషంలో మళ్ళీ గోల్ చేసి, 80,000 మందికి పైగా ఉన్న ప్రేక్షకులను బెల్లింగ్హామ్ ఆశ్చర్య పరిచాడు. 42వ నిమిషంలో జూలియన్ క్వినోన్స్ ‘ఎల్ ట్రి’ తరఫున గోల్ చేశాడు. 54వ నిమిషంలో జీసస్ గల్లార్డోపై ప్రమాదకరమైన ఫౌల్ చేసినందుకు ఇంగ్లాండ్ ఆటగాడు జారెల్ క్వాన్సాను మైదానం నుండి పంపించి వేయడంతో ఆట మెక్సికోకు అనుకూలంగా మారుతున్నట్లు కనిపించింది.
కానీ మెక్సికో గోల్ కీపర్ రౌల్ రాంగెల్ చేసిన ఫౌల్కు ఇంగ్లాండ్కు పెనాల్టీ లభించగా, కేన్ దానిని గోల్గా మలిచి ఈ టోర్నమెంట్లో తన ఆరవ గోల్ను , తన ప్రపంచ కప్ కెరీర్లో 14వ గోల్ను నమోదు చేశాడు. తద్వారా గోల్స్ చేసిన వారి జాబితాలో పశ్చిమ జర్మనీకి చెందిన గెర్డ్ ముల్లర్తో ఐదవ స్థానాన్ని పంచుకున్నాడు. ఈ టోర్నమెంట్లో కేన్ ఆరు గోల్స్తో, గోల్డెన్ బూట్ రేసులో లియోనెల్ మెస్సీ, కైలియన్ ఎంబాపే , ఎర్లింగ్ హాలాండ్ల కంటే ఒక గోల్ వెనుకబడి ఉన్నాడు.