హైద‌రాబాద్ : ప్ర‌తిష్టాత్మ‌క సినీ నిర్మాణ సంస్థ మైత్రీ మూవీ మేకర్స్ మ‌రో ల‌వ్ స్టోరీని తీసుకు రానుంది.
‘ఉప్పెన’ వంటి రొమాంటిక్ ఎంటర్‌టైనర్‌తో వైష్ణవ్ తేజ్, కృతి శెట్టిలను పరిచయం చేసిన మైత్రీ మూవీ మేకర్స్, ఇప్పుడు మైత్రీ ల‌వ్ పేరుతో అనే కొత్త తరం రొమాంటిక్ కామెడీ చిత్రాన్ని తీసుకు రాబోతోంది. నవీన్ యెర్నేని , వై. రవి శంకర్ సారథ్యంలోని మైత్రీ మూవీ మేకర్స్ సంస్థ గ‌తంలో ‘శ్రీమంతుడు’, ‘జనతా గ్యారేజ్’, ‘రంగస్థలం’ ‘పుష్ప’ వంటి చిత్రాలతో అగ్రశ్రేణి నిర్మాణ సంస్థగా నిలిచింది. భారీ బడ్జెట్ చిత్రాలతో పాటు ఈ సంస్థ కొత్త ప్రతిభను , కంటెంట్-ఆధారిత సినిమాలను కూడా ప్రోత్సహిస్తూ వస్తోంది. ‘ఉప్పెన’ చిత్రంతో వైష్ణవ్ తేజ్ , కృతి శెట్టిలను పరిచయం చేసిన తర్వాత ప్రేమ క‌థతో ముందుకు రానుంది. ఈ చిత్రం ద్వారా జై జస్తి , మేధా మేక జంటగా పరిచయం కానున్నారు. సంబంధ బాంధవ్యాల నేపథ్యంలో సాగే ఈ కథలో రొమాన్స్, హాస్యం , కుటుంబ భావోద్వేగాలు మిళితమై ఉంటాయి.
30 వెడ్స్ 21 . ‘మిడిల్ బెంచ్ రవి’ వంటి వెబ్ సిరీస్‌లకు దర్శకత్వం వహించిన పృథ్వీ వనం ఈ చిత్రం ద్వారా పూర్తి స్థాయి చలనచిత్ర దర్శకుడిగా పరిచయం అవుతున్నారు. ‘మిస్ శెట్టి మిస్టర్ పోలిశెట్టి’, ‘ఆంధ్ర కింగ్ తాలూకా’ వంటి చిత్రాలతో అనుబంధం ఉన్న దర్శకుడు మహేష్ బాబు పి ఈ చిత్రానికి సృష్టికర్త జై జస్తి కథానాయకుడిగా నటనా రంగంలోకి అడుగు పెడుతున్నారు. ఫిల్మ్‌మేకింగ్ , బిజినెస్ ఎకనామిక్స్‌లో శిక్షణ పొందిన ఆయన సౌండ్, ఎడిటింగ్, స్క్రీన్‌ప్లే , థియేటర్ ఆర్ట్స్ విభాగాల్లో నైపుణ్యాలను పెంపొందించుకున్నారు. స్వతంత్ర ప్రాజెక్ట్‌ల ద్వారా అనుభవం గడించడంతో పాటు, అనిల్ రావిపూడి దర్శకత్వంలో వచ్చిన ‘గాలి సంపత్’, ఎఫ్ 3 చిత్రాలకు అసిస్టెంట్ డైరెక్టర్‌గా కూడా పనిచేశారు. నటులు శ్రీకాంత్ మేక , ఊహ మేకల కుమార్తె అయిన మేధా మేక మార్కెటింగ్‌లో బ్యాచిలర్ డిగ్రీ పూర్తి చేసిన తర్వాత సినిమాల్లోకి అడుగు పెడుతున్నారు.
గీత రచయిత రామజోగయ్య శాస్త్రి కుమారుడు సాయి హర్ష ఈ చిత్రానికి సంగీతం సమకూరుస్తున్నారు. మేధా, జైని వెనుక నుండి కౌగిలించుకుని ఉన్నట్లుగా ఉండే ఈ చిత్రపు ‘ఫస్ట్-లుక్’ పోస్టర్‌ను చిత్ర బృందం విడుదల చేసింది. వారి ప్రశాంతమైన ముఖ కవళికలు , ఆప్యాయతతో కూడిన భంగిమ యువ ప్రేమలోని వెచ్చదనాన్ని ప్రతిబింబించడమే కాకుండా ఈ కొత్త జంట యొక్క ఆకర్షణను కూడా కళ్లకు కట్టినట్లు చూపిస్తున్నాయి.