కోల్ కతా : తనను అరెస్ట్ చేయడాన్ని ఆదేశించింది కోల్ కతా హైకోర్టు ఎంపీ మహూవా మొయిత్రాను. దీంతో తను అరెస్ట్ వారెంట్పై కలకత్తా హైకోర్టును ఆశ్రయించింది. ద్వేషపూరిత ప్రసంగం (hate speech) చేశారన్న ఆరోపణలపై నాడియా జిల్లా కోర్టు జారీ చేసిన అరెస్ట్ వారెంట్ను సవాలు చేస్తూ కలకత్తా హైకోర్టును ఆశ్రయించారు. ఆమె తరఫు న్యాయవాది అర్క కుమార్ నాగ్, హైకోర్టులోని జస్టిస్ దెబాంగ్షు బసాక్ నేతృత్వంలోని డివిజన్ బెంచ్ ముందు ఈ విషయాన్ని అత్యవసర విచారణ కోసం ప్రస్తావించారు; దీనిపై వచ్చే వారం విచారణ జరిగే అవకాశం ఉంది. కృష్ణనగర్ కోర్టు ఆగస్టు 28న అమలు నివేదికను (execution report) సమర్పించాలని పోలీసులను ఆదేశించింది.
అరెస్ట్ వారెంట్ను సవాలు చేస్తూ మేము హైకోర్టులో అప్పీల్ చేశామని, దీనిని కోర్టు ఆగస్టు 24న విచారణకు స్వీకరించింది అని నాగ్ తెలిపారు. ఆగస్టు 19న, కృష్ణనగర్ కోర్టుకు చెందిన మూడవ జ్యుడీషియల్ మేజిస్ట్రేట్ దిబ్యేందు దాస్, ఈ కేసులో పదేపదే సమన్లు జారీ చేసినప్పటికీ కోర్టుకు హాజరుకాక పోవడంతో సదరు టీఎంసీ ఎంపీపై అరెస్ట్ వారెంట్ జారీ చేశారు. న్యాయమూర్తి తన ఉత్తర్వులో ఇలా పేర్కొన్నారు: ఈ కోర్టు ఆదేశాలను వరుసగా ధిక్కరించడం, కోర్టు ఆదేశాలను పాటించడంలో నిందితురాలికి ఉన్న నిర్లక్ష్య వైఖరిని సూచిస్తోంది. తదనుగుణంగా, ఆమెపై అరెస్ట్ వారెంట్ జారీ చేయడం తప్ప ఈ కోర్టుకు వేరే మార్గం లేదని పేర్కొన్నారు జడ్జి.