Lal Darwaza Bonalu : తెలంగాణ సర్కార్ కీలక ప్రకటన చేసింది. బోనాలు పండుగ కారణంగా తెలంగాణ ప్రభుత్వం జూలై 21న నగరంలోని పాఠశాలలు, కళాశాలలకు సెలవు ప్రకటించింది. విద్యార్తులు, టీచర్లు, పేరెంట్స్ కు ఖుష్ కబర్ చెప్పింది. రాష్ట్రంలో బోనాలు పండుగను ఘణంగా నిర్వహిస్తారు. ఒక రకంగా చెప్పాలంటే ఇది రాష్ట్ర పండుగ. ఈ బోనాలను ప్రతి సంవత్సరం ఆషాఢ మాసంలో జరుపుకుంటారు. గోల్కొండ బోనాలు సికింద్రాబాద్ మహంకాళి బోనాలు వేడుకలు ఇప్పటికే ముగిశాయి. ఘనంగా జరిగాయి కూడా. సీఎం రేవంత్ రెడ్డి దంపతులు, మంత్రులు కొండా సురేఖ, పొంగులేటి శ్రీినివాస్ రెడ్డి, పొన్నం ప్రభాకర్ గౌడ్ తో పాటు ఎమ్మెల్యేలు సైతం బోనాలు సమర్పించారు సికింద్రాబాద్ లోని మహంకాళి అమ్మ వారికి.
Lal Darwaza Bonalu Updates
ఇదిలా ఉండగా నగరంలో మరో ముఖ్యమైన బోనాలు నిర్వహిస్తారు. జూలై 20న లాల్ దర్వాజా బోనాలు (Lal Darwaza Bonalu) జరుపుతారు. బోనాలు పండుగ కోసం పోలీసు దళం క్లిష్టమైన భద్రతా చర్యలను ఏర్పాటు చేసింది. ఈ పండుగ భారీ సంఖ్యలో ప్రజలను ఆకర్షిస్తుందని అంచనా వేశారు. భక్తులకు సురక్షితంగా, సజావుగా పండుగను నిర్వహించడానికి అధికారులు అవసరమైన చర్యలు తీసుకుంటున్నారు.
తెలంగాణ ప్రభుత్వం జూలై 21ని ఐచ్ఛిక సెలవు దినంగా ప్రకటించడంతో పాటు సాధారణ సెలవు దినంగా వాడుకోవచ్చని స్పష్టం చేసింది. దీని అర్థం ఆ రోజున అన్ని ప్రభుత్వ పాఠశాలలు ప్రైవేట్ పాఠశాలలు, కార్యాలయాలు మూసి వేయబడతాయి. అంతే కాకుండా రాబోయే నెలల్లో ఇతర ముఖ్యమైన పండుగల తేదీలను కూడా ప్రభుత్వం ప్రకటించింది. దసరా సెలవులు సెప్టెంబర్ 21 నుండి అక్టోబర్ 3 వరకు, క్రిస్మస్ సెలవులు డిసెంబర్ 23 నుండి 27 వరకు ఉంటాయి. సంక్రాంతి సెలవులు జనవరి 11 నుండి 16, 2026 వరకు షెడ్యూల్ చేయబడ్డాయి.
Also Read : SSMB29 Movie – Senthil Kumar Drop : జక్కన్న మూవీ నుంచి సెంథిల్ కుమార్ డ్రాప్