Health Tips : భారతదేశంలో విటమిన్ డి లోపం ఒక ప్రధాన ఆరోగ్య సమస్యగా మారుతోంది. ముఖ్యంగా పట్టణ ప్రాంతాల్లో నివసించే మహిళల్లో ఈ లోపం ఎక్కువగా కనిపిస్తోంది. శరీరానికి అవసరమైనంత విటమిన్ డి లేకపోవడం వల్ల అలసట, మూడ్ స్వింగ్స్, కండరాల నొప్పులు వంటి సమస్యలు వచ్చే అవకాశాలు ఎక్కువగా ఉంటాయని వైద్య నిపుణులు చెబుతున్నారు.
Health Tips – విటమిన్ డి ఎందుకు అవసరం?
విటమిన్ డి (Vitamin D) శరీరంలో ఎముకల బలం, కాల్షియం శోషణ, మానసిక స్థితి నియంత్రణ, కండరాల పనితీరు, రోగనిరోధక శక్తి కోసం కీలక పాత్ర పోషిస్తుంది. దీనికి ప్రధాన సహజ వనరు సూర్యరశ్మి అయినప్పటికీ, ఆధునిక జీవనశైలి, శరీరాన్ని కప్పేయడం, సన్స్క్రీన్ అధిక వినియోగం, వాయు కాలుష్యం వంటి కారణాల వల్ల శరీరం దీన్ని తగినంతగా ఉత్పత్తి చేయలేకపోతోంది.
లోపం గుర్తించే లక్షణాలు:
దీర్ఘకాలిక అలసట, నీరసం
కండరాల బలహీనత, నొప్పులు
జుట్టు వడలి పోవడం
తరచూ అంటువ్యాధులు
మతిమరుపు
ఎముకల నొప్పులు
విటమిన్ డి లోపానికి సాధారణ కారణాలు:
సూర్యరశ్మికి తక్కువగా శరీరాన్ని అప్యోగించటం
శరీర చర్మం ముదురు రంగులో ఉండడం
పోషకాహారం లోపించడం
సన్స్క్రీన్ అధికంగా వాడటం
కొన్ని ఆరోగ్య సమస్యలు
సహజంగా విటమిన్ డి స్థాయిని పెంచే మార్గాలు:
1. సూర్యరశ్మి లాభం పొందండి
ప్రతిరోజూ ఉదయం 7 నుంచి 10 గంటల మధ్య లేదా సాయంత్రం 4 గంటల తర్వాత 15–20 నిమిషాల పాటు సన్స్క్రీన్ లేకుండా సూర్యరశ్మి తగలేందుకు ప్రయత్నించాలి.
2. పోషకాహారాన్ని చేర్చండి
విటమిన్ డి సమృద్ధిగా ఉండే ఆహారాలు:
చేపలు (సాల్మన్, మాకెరెల్, సార్డిన్లు)
గుడ్డు పచ్చసొన
బలవర్ధక పాలు, పెరుగు
తృణధాన్యాలు, చీజ్
సూర్యరశ్మిలో ఉంచిన పుట్టగొడుగులు
ఆవు పాలు, సోయా పాలు
కాడ్ లివర్ ఆయిల్ (వైద్యుల సలహాతో)
3. శోషణను మెరుగుపరచడం
విటమిన్ డి (Vitamin D) ఉన్న ఆహారాలను కొవ్వులతో కలిపి తీసుకోవడం ద్వారా శరీర శోషణ మెరుగవుతుంది. ఒమేగా–3 ఫ్యాటీ యాసిడ్స్ వంటి పోషకాలు ఉపయోగపడతాయి. అల్కహాల్, ప్రాసెస్డ్ ఫుడ్స్ తగ్గించటం మంచిది.
చివరిగా…
సహజ మార్గాలతో విటమిన్ డి లోపాన్ని అధిగమిస్తే శక్తి, మానసిక స్థితి, సమగ్ర ఆరోగ్యం మెరుగవుతుంది. అవసరమైతే వైద్య పరీక్షలు చేయించుకుని సరైన సూచనలు తీసుకోవడం ఉత్తమం.
Also Read : RBI Interesting Decision : రుణాలు తీసుకునే వారికై ఆర్బీఐ కీలక నిర్ణయం