ముంబై : ప్ర‌ముఖ న‌టి డెల్మాజ్ ఇరానీ ఆస‌క్తిక‌ర వ్యాఖ్య‌లు చేశారు. వయసు పెరగడాన్ని, అలాగే తమను తాము ఉన్నది ఉన్నట్లుగా అంగీకరించు కోవాలని మహిళలకు సూచిస్తున్నారు. బాలీవుడ్‌లో అందానికి సంబంధించి ఉన్న ప్రమాణాల గురించి ఆమె బహిరంగంగా మాట్లాడారు. మహిళలు ఒక ప్రత్యేకమైన ఛాయను (చర్మ సౌందర్యాన్ని) కలిగి ఉండాలని సమాజం ఆశిస్తుందని ఆమె పేర్కొన్నారు. అయితే బాహ్య రూపంపైనే దృష్టి పెట్టే బదులు, జీవితాన్ని పరిపూర్ణంగా ఆస్వాదించడం , తమను తాము ఉన్నది ఉన్నట్లుగా అంగీకరించు కోవడం ముఖ్యమని త‌ను నమ్ముతున్నారు. వినోద పరిశ్రమలో రూపానికి సంబంధించి ఒత్తిడి ఉంటుందని అంగీకరించిన డెల్నాజ్, ఆ ఒత్తిడి తన జీవనశైలిని లేదా సంతోషాన్ని ప్రభావితం చేయకుండా జాగ్రత్త పడతానని చెప్పారు. నటిగా సుదీర్ఘకాలంగా ఈ పరిశ్రమలో ఉన్న ఆమె, నటీనటుల రూపం ఆధారంగానే తరచుగా అంచనాలు వేస్తుంటారని పేర్కొన్నారు.
సాధారణంగానే ఒక రకమైన ఒత్తిడి ఉంటుందన్నారు. మనం ఒక ప్రత్యేకమైన ఛాయను కలిగి ఉండాలని ఆశిస్తారు అని డెల్మాజ్ ఇరానీ అన్నారు. కొన్నిసార్లు నాకు కూడా అలాంటి ఒత్తిడే అనిపిస్తుందని తెలిపారు. కానీ అప్పుడు నేను ప్రశాంతంగా ఉంటూ, రుచికరమైన ఆహారాన్ని తింటూ, నా జీవితాన్ని ఆనందంగా గడపాలని నాకు నేనే గుర్తు చేసుకుంటాను ఇటీవల తన 54వ పుట్టినరోజును జరుపుకున్న డెల్నాజ్, వయసు పెరగడాన్ని సహజంగా స్వీకరించాలని అభిప్రాయపడ్డారు. వయసు పెరిగేకొద్దీ మన శరీరం, మనస్సు, భావోద్వేగాలు మారుతుంటాయని, ఈ మార్పులను మనం గుర్తించాలని ఆమె చెప్పారు. తన తరం వారికి, ఇప్పటి తరానికి మధ్య చాలా తేడా ఉందని గమనించిన డెల్నాజ్, నేటి కాలంలో ప్రజలు తమ రూపం, ఎంపికలు , ఇమేజ్ విషయంలో ఎంతో ఒత్తిడికి లోనవుతున్నారని పేర్కొన్నారు. సమాజం మారినప్పటికీ మనం మన పట్ల సౌకర్యవంతంగా, సంతృప్తిగా ఉండటం ముఖ్యమని ఆమె నమ్ముతున్నారు. ప్రస్తుతం డెల్నాజ్ నెట్‌ఫ్లిక్స్‌లో విడుదలైన ‘చుంబక్’ చిత్రంలో కనిపిస్తున్నారు.