Donald Trump : భారత్–అమెరికా వాణిజ్య సంబంధాలపై మరోసారి ఉత్కంఠ నెలకొంది. అమెరికా మాజీ అధ్యక్షుడు డొనాల్డ్ ట్రంప్ ఇటీవల భారత్పై సుంకాల పెంపును మరోసారి ప్రస్తావించారు. గత వారం భారత దిగుమతులపై 25 శాతం టారిఫ్ విధిస్తామని ప్రకటించిన ట్రంప్, తాజాగా ఆ సుంకాలను మరింత పెంచుతానని అన్నారు.
Donald Trump Slams India
ట్రంప్ (Donald Trump) తన “ట్రూత్ సోషల్” వేదికలో, “భారత్ భారీగా రష్యన్ చమురు కొనుగోలు చేస్తోంది. అంతే కాదు, ఆ చమురును ఓపెన్ మార్కెట్లో అధిక లాభాలతో మళ్లీ విక్రయిస్తోంది. రష్యా యుద్ధ యంత్రం కారణంగా ఉక్రెయిన్లో వేల మంది చనిపోతున్నా, భారత్ నిర్లక్ష్యంగా వ్యవహరిస్తోంది” అంటూ విమర్శలు గుప్పించారు.
ఈ నేపథ్యంలో, భారత్కు అమెరికా విధించే దిగుమతి సుంకాలను గణనీయంగా పెంచే ఆలోచనలో ఉన్నట్టు ట్రంప్ తెలిపారు. అయితే, ఈ చర్యలు ఎప్పుడు, ఏ విధంగా అమలవుతాయన్న దానిపై స్పష్టత ఇవ్వలేదు.
అంతర్జాతీయ వాణిజ్య వర్గాల్లో ఈ వ్యాఖ్యలు చర్చనీయాంశంగా మారాయి. ప్రపంచంలో ఐదవ అతిపెద్ద ఆర్థిక వ్యవస్థ అయిన భారత్పై ప్రత్యేకంగా జరిమానా విధించాలన్న ట్రంప్ వ్యాఖ్యలు భవిష్యత్లో వాణిజ్య సంబంధాలను ప్రభావితం చేసే అవకాశం ఉందని విశ్లేషకులు భావిస్తున్నారు.
ఇక భారత్ వర్గాలు మాత్రం ఈ అభ్యంతరాలను పెద్దగా పట్టించుకోవడం లేదు. రాయిటర్స్కు స్పందించిన భారత ప్రభుత్వ ఉన్నతాధికారులు, “రష్యా నుండి చమురు కొనుగోలు కొనసాగుతుంది. ఇది భారత జాతీయ ప్రయోజనాలకు అనుగుణంగా తీసుకునే నిర్ణయం. అమెరికా హెచ్చరికలతో మా విధానాలు మారవు” అని స్పష్టం చేశారు.
మొత్తంగా చూస్తే, ట్రంప్ వ్యాఖ్యలు ఓవైపు రాజకీయ ప్రాధాన్యతను పెంచినా, మరోవైపు రెండు దేశాల మధ్య వాణిజ్య అనిశ్చితిని మళ్లీ పెంచినట్లుగా కనిపిస్తోంది.
Also Read : Stock Market Sensational : ట్రంప్ బెదిరింపులతో అతలాకుతలమైన స్టాక్ మార్కెట్