Dickie Bird : ఇంగ్లండ్ : ప్రపంచ క్రికెట్ రంగంలో అంపైరింగ్ లో తనకంటూ ప్రత్యేకత కలిగిన అంపైర్ డికీ బర్డ్ ఇక లేరు. ఆయన 92 ఏళ్ల వయసులో మరణించారని యార్క్షైర్ కౌంటీ క్రికెట్ క్లబ్ మంగళవారం ప్రకటించింది. డికీ బర్డ్ (Dickie Bird) తన విశిష్ట కెరీర్లో 66 టెస్ట్ మ్యాచ్లు, 69 వన్డే ఇంటర్నేషనల్స్లో అంపైర్గా పనిచేశాడు. బర్డ్ అంతర్జాతీయ అంపైర్గా మూడు క్రికెట్ ప్రపంచ కప్ ఫైనల్స్లో ప్రముఖంగా వ్యవహరించాడు. హెరాల్డ్ డిక్కీ బర్డ్ ఇంగ్లాండ్కు చెందిన మాజీ క్రికెట్ అంపైర్ .2014లో ఆయన యార్క్ షైర్ క్లబ్ కు అధ్యక్షుడిగా నియమితులయ్యారు. యార్క్షైర్ బర్డ్ను జాతీయ నిధి అని పిలిచింది, అతను అంపైర్టింగ్ నైపుణ్యానికి వన్నె తీసుకు వచ్చారని పేర్కొంది. అతను క్రీడా స్ఫూర్తిని చాటాడు. తరతరాలుగా అభిమానుల దళాన్ని వదిలి వెళ్ళాడని నివాళులు అర్పించింది.
Dickie Bird Death
డికీ బర్డ్ తన ప్రియమైన యార్క్షైర్ , లీసెస్టర్షైర్తో అనుబంధం కలిగి ఉన్నాడు. అతను 1970లో మొదటిసారిగా ఇంగ్లీష్ కౌంటీ మ్యాచ్లో , మూడు సంవత్సరాల తర్వాత అతని మొదటి టెస్ట్లో అంపైర్ గా వ్యవహరించాడు. ప్రపంచంలోనే అత్యంత ప్రసిద్ధ అంపైర్గా మారాడు. 1975లో బర్డ్ ప్రారంభ పురుషుల క్రికెట్ ప్రపంచ కప్ ఫైనల్కు బాధ్యత వహించాడు. 1996లో అతని చివరి టెస్ట్లో, లార్డ్స్లో ఇంగ్లాండ్, భారతదేశ ఆటగాళ్ల గౌరవ గార్డ్ అతన్ని కన్నీళ్లతో ముంచెత్తింది. డిక్కీ అంపైర్గా అద్భుతమైన కెరీర్ను ఆస్వాదించాడు అని లార్డ్స్కు చెందిన మేరీల్బోన్ క్రికెట్ క్లబ్ పేర్కొంది . క్రికెట్లో సాంకేతికత ప్రవేశ పెట్టడానికి చాలా కాలం ముందు అంపైర్గా పని చేసిన బర్డ్ తన పనితనంతో యావత్ ప్రపంచాన్ని విస్తు పోయేలా చేశారు. తన ఆత్మ కథ మిలియన్ కంటే ఎక్కువగా అమ్ముడు పోయింది. బ్రిటన్లో అత్యధికంగా అమ్ముడైన క్రీడా పుస్తకంగా నిలిచింది.
Also Read : CM Chandrababu Important Comments : పీపీపీ అంటే ప్రైవేటీకరణ కాదు : చంద్రబాబు