Blood Cancer : బ్లడ్ క్యాన్సర్కు సంబంధించిన కొన్ని కీలక లక్షణాలను త్వరితంగా గుర్తించడం ద్వారా ప్రాణాలు రక్షించేందుకు మార్గం సిద్ధమవుతోంది. అలసట, నీరసం, తరచుగా వచ్చే జ్వరం, ఇన్ఫెక్షన్లు, చిన్న దెబ్బకే రక్తస్రావం లేదా చర్మంపై నీలం మచ్చలు, ఆకలి లేకపోవడం, బరువు తగ్గడం, రాత్రిపూట అధిక చెమటలు పడడం, మెడ లేదా గజ్జల్లో వాపులు వంటి లక్షణాలు బ్లడ్ క్యాన్సర్కు సూచనలుగా ఉండవచ్చు. ఇవి ప్రధానంగా ఎర్ర మరియు తెల్ల రక్త కణాలు, ప్లేట్లెట్ల ఉత్పత్తిలో సమస్యలు తలెత్తినప్పుడు కనిపిస్తాయి.
Blood Cancer Remedy
ఈ నేపథ్యంలో, బ్లడ్ క్యాన్సర్ను (Blood Cancer) ఆరంభ దశలోనే గుర్తించేందుకు నార్వే శాస్త్రవేత్తలు అభివృద్ధి చేసిన ఓ కొత్త రక్తపరీక్ష వైద్య రంగంలో సంచలనంగా మారింది. బెర్గెన్ విశ్వవిద్యాలయం శాస్త్రవేత్తలు చేపట్టిన ఈ అధ్యయనంలో 40,000 మందికి పైగా వాలంటీర్ల రక్త నమూనాలు విశ్లేషించి, క్యాన్సర్ ప్రారంభ దశలోనే లక్షణాలు కనిపెట్టే విధానాన్ని అభివృద్ధి చేశారు.
ప్రస్తుతం మైలోమా, లుకేమియా, లింఫోమా వంటి బ్లడ్ క్యాన్సర్లు ఎక్కువగా చివరి దశలోనే గుర్తవుతుండగా, ఈ కొత్త పరీక్ష ద్వారా ముందుగానే తెలుసుకునే అవకాశం లభించనుంది. దీని వల్ల సకాలంలో, సమర్థవంతమైన చికిత్స అందించి రోగుల జీవన నాణ్యతను మెరుగుపరచవచ్చు.
తొలిదశలోనే వ్యాధిని గుర్తించడం వల్ల, వైద్యం మరింత ప్రభావవంతంగా ఉంటుందని నిపుణులు అభిప్రాయపడుతున్నారు. ఇది కేవలం బ్లడ్ క్యాన్సర్కే కాకుండా, భవిష్యత్తులో ఇతర రకాల క్యాన్సర్లను గుర్తించడంలోనూ ఉపయోగపడే అవకాశం ఉంది.
ఈ నూతన పరిశోధన ప్రపంచవ్యాప్తంగా లక్షలాది మంది రోగులకు కొత్త ఆశలు, మెరుగైన జీవితం అందించగలదని వైద్య వర్గాలు భావిస్తున్నాయి. క్యాన్సర్ నిర్ధారణలో ఇది ఒక మైలురాయిగా నిలవనుంది.
Also Read : MG Cars Company Shocking : ఎంజీ కార్లను ప్రేమించే వాళ్ళకి సంచల వార్త