Amarnath Yatra 2025 : అమర్నాథ్ యాత్రను హిందూ మతంలో చాలా పవిత్రంగా , ధర్మబద్ధంగా భావిస్తారు. జమ్మూ కాశ్మీర్లోని అనంతనాగ్ జిల్లాలో ఉన్న పవిత్ర అమర్నాథ్ (Amarnath Yatra 2025) గుహ శివునికి సంబంధించిన పవిత్ర క్షేత్రాల్లో ఒకటిగా పరిగణించబడుతుంది. ఈ పవిత్ర గుహ శివలింగం సహజంగా మంచుతో ఏర్పడుతుంది. అందుకే దీనిని బాబా బర్ఫానీ (మంచుతో కూడిన శివయ్య) అని పిలుస్తారు. ప్రతి సంవత్సరం భారీ సంఖ్యలో భక్తులు అమర్నాథ్ యాత్రకు చేరుకుంటారు. అమర్నాథ్ యాత్రికులకు ఈ సంవత్సరం అతిపెద్ద శుభవార్త లభించింది.
Amarnath Yatra 2025 Updates
ఈ సంవత్సరం 2025లో మంచు లింగ రూపంలో జూన్ 11న అమర్నాథ్ పవిత్ర గుహలో తన మొదటి దర్శనం ఇచ్చారు. ఈ సమయంలో బాబా అమర్నాథ్కు మొదటి పూజ కూడా ఆచారం ప్రకారం జరిగింది. ఈ పూజ , ఆచారాన్ని అమర్నాథ్ పుణ్యక్షేత్ర బోర్డు నిర్వహించింది. అమర్నాథ్ యాత్ర ఎప్పుడు ప్రారంభమవుతుందో ఈ రోజు తెలుసుకుందాం..
2025 సంవత్సరంలో బాబా బర్ఫానీ మొదటి దర్శనం
జ్యేష్ఠ పూర్ణిమ శుభ సందర్భంగా బాబా అమర్నాథ్ 2025 సంవత్సరంలో తన మొదటి దర్శనాన్ని పవిత్ర అమర్నాథ్ గుహలో ఇచ్చారు. ఈ సందర్భంగా భోలేనాథ్ను తగిన ఆచారాలతో పూజించారు. అమర్నాథ్ యాత్రికులకు అతిపెద్ద శుభవార్త ఏమిటంటే ఈసారి బాబా బర్ఫానీ తన పూర్తి రూపంలో కనిపించారు.
Also Read : Nora Fatehi: Glam Goddess in Every Frame