Stock Market : భారత దిగుమతులపై 25 శాతం సుంకాలు విధించనున్నట్టు అమెరికా అధ్యక్షుడు డొనాల్డ్ ట్రంప్ చేసిన ప్రకటన మార్కెట్ను (Stock Market) తీవ్రంగా ప్రభావితం చేసింది. అంతర్జాతీయంగా కూడా మార్కెట్లు ఒడిదుడుకులు ఎదుర్కొన్నాయి. దేశీయంగా సెన్సెక్స్, నిఫ్టీలూ ఒక దశలో భారీ నష్టాలను నమోదు చేసినప్పటికీ మధ్యాహ్నానికి కొంత కోలుకొని చివరకు స్వల్ప నష్టాలతో రోజును ముగించాయి.
బుధవారం ముగింపు (81,481 పాయింట్లు)తో పోలిస్తే, గురువారం ట్రేడింగ్ ప్రారంభంలో సెన్సెక్స్ 700 పాయింట్ల క్షీణతతో మొదలైంది. మధ్యాహ్నం సమయానికి కోలుకుని ఇంట్రాడే గరిష్టంగా 81,803 పాయింట్లను తాకినా, చివరి గంటలో మళ్లీ నష్టాల బాట పట్టింది. చివరకు సెన్సెక్స్ 296 పాయింట్ల నష్టంతో 81,185 వద్ద, నిఫ్టీ 86 పాయింట్ల నష్టంతో 24,768 వద్ద ట్రేడింగ్ను ముగించాయి.
Stock Market – మార్కెట్లో కీలక అంశాలు:
లాభపడిన షేర్లు: కెన్స్ టెక్నాలజీస్, డెలివరీ, గోద్రేజ్ కన్స్యూమర్, హెచ్యూఎల్, ఏబీ క్యాపిటల్
నష్టపోయిన షేర్లు: హిందుస్థాన్ కాపర్, ఆర్తి ఇండస్ట్రీస్, బిర్లాసాఫ్ట్, ఇండస్ టవర్స్, ఐఐఎఫ్ఎల్ ఫైనాన్స్
ఇతర సూచీలు:
నిఫ్టీ మిడ్ క్యాప్ ఇండెక్స్: 541 పాయింట్ల నష్టంతో పడిపోయింది.
బ్యాంక్ నిఫ్టీ: 188 పాయింట్ల క్షీణతను చవిచూసింది.
రూపాయి మారకం విలువ: డాలర్తో పోలిస్తే ₹87.59 వద్ద కొనసాగింది.
విశ్లేషకుల అభిప్రాయం:
“అమెరికా తరఫున ప్రకటించిన దిగుమతి సుంకాల దెబ్బ మార్కెట్పై స్పష్టంగా పడింది. ఇదే సమయంలో విదేశీ పెట్టుబడిదారుల మదుపు ధోరణి సైతం కొంత తగ్గినట్టు గమనించవచ్చు. డాలర్ బలపడటం వల్ల రూపాయి పతనమవుతోంది. మార్కెట్లలో ఊగిసలాట మరో రెండు రోజులు కొనసాగే అవకాశం ఉంది,” అని మార్కెట్ విశ్లేషకులు అభిప్రాయపడుతున్నారు.
Also Read : Gold Price Growth : పసిడి ప్రియులకు ఓ చిన్న శుభవార్త
