హైదరాబాద్ :బిగ్ బాస్ తెలుగు సీజన్ 10 ప్రారంభానికి కౌంట్డౌన్ మొదలైంది. కొత్త పోటీదారులు ఆసక్తికరమైన సెలబ్రిటీలు వర్సెస్ సామాన్యులు ఫార్మాట్తో ఈ పాపులర్ రియాలిటీ షో తిరిగి వస్తోంది.తాజా సమాచారం ప్రకారం ఈ సీజన్లో తెలుగు వినోద పరిశ్రమకు చెందిన పలువురు ప్రముఖులు బిగ్ బాస్ హౌస్లోకి అడుగు పెట్టనున్నారు. కొద్ది గంటల్లోనే ప్రారంభం కానున్న బిగ్ బాస్ తెలుగు సీజన్ 10 గ్రాండ్ లాంచ్ కోసం వేదిక సిద్ధమైంది. ఈ సీజన్లో దాదాపు 20 మంది పోటీదారులు హౌస్లోకి ప్రవేశిస్తారని అంచనా. దీనివల్ల ఉత్కంఠ తారాస్థాయికి చేరింది. ముఖ్యంగా సామాన్యులకు కేటాయించిన కోటా విషయంలో ‘అగ్నిపరీక్ష’ స్క్రీనింగ్ ప్రక్రియలో కఠినమైన ప్రాథమిక రౌండ్ల తర్వాత 5 నుండి 6 మంది సామాన్య ప్రతిభావంతులు ప్రధాన హౌస్లో స్థానం దక్కించు కోనున్నారు.
సామాన్యులు ‘టికెట్ టు బిగ్ బాస్’ విజేతలతో పాటు ‘రైతు బిడ్డ’గా ఆదరణ పొందిన జానపద గాయని ఝాన్సీ, ‘అగ్నిపరీక్ష’ గ్రాండ్ ఫినాలేలో ‘టికెట్ టు బిగ్ బాస్’ గెలుచుకుని సీజన్ 10లో అధికారికంగా మొదటి పోటీదారుగా తన స్థానాన్ని ఖరారు చేసుకున్నారు. ఆమెతో పాటు నిలకడైన ప్రదర్శనలతో మూడు ‘గ్రీన్ సిగ్నల్స్’ సాధించిన మిథిలేష్ కూడా హౌస్లోకి ప్రవేశించడం ఖాయమైంది. సామాన్యుల విభాగం నుండి చరణ్, రాజకుమారి, రోహిత్ , అమన్ వంటి వారు బలమైన పోటీదారులుగా ఉన్నారు. ఒకవేళ సామాన్యుల సంఖ్య ఆరు కంటే పెరిగితే సృష్టి, శాలిని కూడా అవకాశం దక్కించుకునే బలమైన అభ్యర్థులుగా ఉన్నారు.
సెలబ్రిటీల విషయానికొస్తే, టెలివిజన్, సినిమా రంగానికి చెందిన దాదాపు 10 మంది ప్రముఖులు హౌస్లోకి ప్రవేశించ వచ్చని ఊహాగానాలు వినిపిస్తున్నాయి. జబర్దస్త్ కమెడియన్లు ఆటో రాంప్రసాద్ నరేష్ , ‘ఎన్నెన్నో జన్మల బంధం’ ఫేమ్ దేబ్జాని మోడక్, ‘గుప్పెడంత మనసు’ సీరియల్ స్టార్ ముఖేష్ , యాంకర్ వర్షిణి, చైత్ర రాయ్ , నటులు టెంపర్ వంశీ, కృష్ణుడు , ఎక్స్ప్రెస్ హరి ఉన్నారు. ఈ రియాలిటీ షో చారిత్రాత్మక పదవ సీజన్కు ‘కింగ్’ నాగార్జున హోస్ట్గా వ్యవహరించనున్నారు. పోటీదారుల అధికారిక వివరాలు గ్రాండ్ ప్రీమియర్ సమయంలో వెల్లడి కానున్నాయి. నాగార్జున మరోసారి బిగ్ బాస్ తెలుగుకు హోస్ట్గా వ్యవహరించనున్నారు. రాబోయే ఈ సీజన్ షో యొక్క 10వ ఎడిషన్ కాగా, దీనిని దశావతారం థీమ్తో ప్లాన్ చేస్తున్నట్లు సమాచారం. ఇవాళ గ్రాండ్ గా లాంచ్ కానుంది బిగ్ బాస్ -10 షో .
