Heart Attack : ఆధునిక జీవనశైలి, శారీరక శ్రమ లేకపోవడం, అనారోగ్యకరమైన ఆహారం వల్ల హృద్రోగాలు వేగంగా పెరుగుతున్నాయి. ముఖ్యంగా గుండెపోటు (Heart Attack) కేసులు యువతలోనే అధికమవుతున్నాయంటే పరిస్థితి ఎంత తీవ్రంగా ఉందో అర్థం చేసుకోవచ్చు. ఎప్పటికప్పుడు మారుతున్న జీవనశైలికి అనుగుణంగా, ఆరోగ్యంపై శ్రద్ధ తీసుకోకపోతే గుండె సంబంధిత సమస్యలు ముప్పుగా మారుతున్నాయి.
Heart Attack – గుండెపోటు అంటే ఏంటి?
గుండెపోటు (Heart Attack) అంటే గుండె కండరాలకు రక్తం సరైన మోతాదులో అందకపోవడం వల్ల జరిగే సమస్య. ఇది సాధారణంగా గుండెకు రక్తాన్ని సరఫరా చేసే కరోనరీ ధమనులలో కొవ్వు లేదా కొలెస్ట్రాల్ పేరుకుపోవడం వల్ల సంభవిస్తుంది. ఇది సకాలంలో చికిత్స తీసుకోకపోతే ప్రాణాలను కూడా తీసే ప్రమాదం ఉంది.
గుండెపోటు ముందస్తు సంకేతాలు – వాటిని నిర్లక్ష్యం చేయకండి
Related Post
వైద్యుల ప్రకారం, గుండెపోటు తలపెట్టే ముందు శరీరం కొన్ని సంకేతాలను ఇస్తుంది. అవి:
- ఛాతీలో నొప్పి లేదా ఒత్తిడి: ఇది ఎక్కువగా నొక్కినట్టు, మంటగా, ఒక్కోసారి పదునైన నొప్పిగా ఉంటుంది.
- శ్వాస ఇబ్బంది: తక్కువ శ్రమ చేసినా శ్వాస ఆడకపోవడం.
- అల్ప శ్రమకే అలసట: విశ్రాంతికి తర్వాత కూడా శక్తిలేమిగా అనిపించటం.
- తల తిరగడం, మూర్ఛ: అకస్మాత్తుగా తల తిరగడం లేదా కళ్లెదురు కాలేలా అనిపించడం.
- అతివేగంగా గుండె కొట్టుకోవడం (పాలిపిటేషన్).
- చర్మంపై చెమట పట్టడం: ముఖ్యంగా ఎందుకో తెలీకుండా చెమటలు రావడం.
- వికారం, అజీర్ణం: తరచుగా వికారం, అజీర్ణం లేదా గుండెల్లో మంట.
- నొప్పి వ్యాప్తి: మెడ, భుజం, దవడ, వీపు లేదా చేతులకు వ్యాపించే నొప్పి.
హార్ట్ బ్లాక్ లక్షణాలు కూడా అర్థం చేసుకోవాలి
హార్ట్ బ్లాక్ అనేది గుండెకు రక్త ప్రసరణ అడ్డుపడిన సందర్భంలో వస్తుంది. దీన్ని ముందుగానే గుర్తించడం కష్టమే. సాధారణంగా ఇది నిర్భంధంగా వచ్చేస్తుంది. అలాంటి పరిస్థితుల్లో ముందస్తు జాగ్రత్తలే ప్రాణాలను కాపాడగలవు.
Heart Attack – నివారణ ఎలా?
వైద్యుల సూచనల ప్రకారం, గుండె ఆరోగ్యాన్ని కాపాడుకోవాలంటే:
- సమతుల్య ఆహారం తీసుకోవాలి
- రోజూ వ్యాయామం చేయాలి
- ధూమపానం, మద్యం మానాలి
- రక్తపోటు, కొలెస్ట్రాల్ నియంత్రణలో ఉంచాలి
- ఒత్తిడిని తగ్గించుకోవాలి
- ఏవైనా సంకేతాలు కనిపించిన వెంటనే వైద్యులను సంప్రదించాలి
ప్రతి ఒక్కరూ తమ ఆరోగ్యంపై శ్రద్ధ పెట్టాలి. ముఖ్యంగా ఛాతీలో అసహజ నొప్పులు, శ్వాసలో ఇబ్బంది వంటి సమస్యలను నిర్లక్ష్యం చేయకపోతే, గుండెపోటు ముప్పు నుంచి తప్పించుకోవచ్చు. ముందస్తుగా జాగ్రత్త పడటం వల్లనే అనేక మంది తమ ప్రాణాలను రక్షించుకున్న సందర్భాలు ఉన్నాయి.
గుండె ఆరోగ్యం అంటే కేవలం వ్యాధి రాకుండా చూసుకోవడమే కాదు, జీవనశైలిని మార్చుకోవడం కూడా అని వైద్య నిపుణులు చెబుతున్నారు.
Also Read : Iron Rich Foods : శరీరంలో రక్తహీనత నివారించాలంటే ఈ 3 ఆహార పదార్థాలు తప్పనిసరి!
