Shruti Haasan : అడివి శేష్ హీరోగా షనైల్‌ డియో దర్శకత్వం వహిస్తున్న చిత్రంలో శ్రుతీహాసన్‌ కథానాయికగా నటిస్తోంది. సగానికి పైగా ఈ చిత్రం షూటింగ్‌ పూర్తయింది. అయితే తాజా సమాచారం ప్రకారం శ్రుతీహాసన్‌ ఈ చిత్రం నుంచి తప్పుకున్నట్లు వార్తలొస్తున్నాయి. డేట్లు సర్టుబాటు సమస్యలో శ్రుతీ(Shruti Haasan) ఈ ప్రాజెక్ట్‌ నుంచి బయటకు వచ్చినట్లు, ఆమె స్థానంలో వేరే హీరోయిన్‌ వేటలో ఉన్నారని సమాచారం. డైరెక్టర్‌ షనైల్‌ డియో ఫ్యామిలీలో ట్రిప్‌కు విదేశాలకు వెళ్లిన క్రమంలో సినిమాలోని కొన్ని షాట్‌లను హీరో అడివి శేష్ తెరకెక్కించేందుకు ప్రయత్నించారని, అది నచ్చకే శ్రుతి ఈ ప్రాజెక్టు నుంచి తప్పుకోవడానికి సిద్ధమయినట్లు మరో ప్రచారం జరుగుతోంది.
Shruti Haasan Movies..
అయితే దీనిపై అధికారిక ప్రకటన ఇంకా రాలేదు. అన్నపూర్ణ స్టూడియోస్‌ సమర్పణలో సుప్రియ యార్లగడ్డ ఈ చిత్రాన్ని నిర్మిస్తున్నారు. శేష్ గత చిత్రాలైన క్షణం, గూఢచారి లాంటి బ్లాక్‌బస్టర్‌ సినిమాలకు సినిమాటోగ్రాఫర్‌గా పని చేసిన షనైల్‌ డియోను డైరెక్టర్‌ గా పరిచయం చేస్తున్నారు. తెలుగు, హిందీ భాషల్లో ఈ చిత్రం తెరకెక్కుతోంది. ఇప్పటికే విడుదలైన గ్లింప్స్‌ పాజిటివ్‌ బజ్‌ క్రియేట్‌ చేసింది. ఇంటెన్స్‌, లవ్‌ యాక్షన్‌ చిత్రంగా డెకాయిట్‌ తెరకెక్కుతోంది. ప్రస్తుతం శ్రుతి హాసన్ ‘సలార్‌-2’, రజినీకాంత్‌ ‘కూలీ’ సినిమాల్లో నటిస్తోంది.
Also Read : Hari Hara Veera Mallu : త్వరలో పవర్ స్టార్ సినిమా నుంచి మొదటి పాట రిలీజ్