500 Notes : గత కొన్ని రోజులుగా వాట్సాప్ సహా సోషల్ మీడియా వేదికలపై రూ.500 నోట్లు త్వరలో రద్దు అవుతాయన్న వార్తలు వైరల్ అవుతున్నాయి. 2026 మార్చి 31 నాటికి ఈ నోట్లు చెల్లుబాటులో ఉండవన్న సందేశాలు ప్రజల్లో గందరగోళాన్ని కలిగించాయి. అయితే, ఇలాంటి ప్రచారంలో ఎలాంటి వాస్తవం లేదని కేంద్ర ప్రభుత్వ సమాచార శాఖ ప్రెస్ ఇన్ఫర్మేషన్ బ్యూరో (PIB) స్పష్టం చేసింది.
500 Notes – వైరల్ సందేశంలో ఏముందంటే?
వాట్సాప్ గ్రూపులు, ఇతర సోషియల్ మీడియా వేదికల్లో ఒక మెసేజ్ వైరల్ అవుతోంది. అందులోని సమాచారం ప్రకారం, 2025 సెప్టెంబరు 30 నుంచి బ్యాంకులు ATMల ద్వారా రూ.500 నోట్లు (500 Notes) పంపిణీ చేయడం నిలిపివేస్తాయని, 2026 మార్చి 31 నాటికి 90 శాతం ATMలు ఈ నోట్లను ఇవ్వవని పేర్కొన్నారు. ఇకపై కేవలం రూ.100, రూ.200 నోట్లు మాత్రమే ATMల ద్వారా లభ్యమవుతాయని పేర్కొంటూ, ప్రజలు తమ వద్ద ఉన్న రూ.500 నోట్లను వెంటనే ఖర్చు చేయాలని ఆహ్వానిస్తున్నారు.
PIB ఫ్యాక్ట్ చెక్తో స్పష్టత
ఈ ప్రచారంపై ప్రజల్లో పెరుగుతున్న అనుమానాలను తొలగించేందుకు PIB తన అధికారిక ఫ్యాక్ట్ చెక్ ద్వారా స్పందించింది. సోషల్ మీడియా వేదిక ‘X’ (పూర్వం ట్విట్టర్) ద్వారా విడుదల చేసిన పోస్ట్లో, రిజర్వ్ బ్యాంక్ ఆఫ్ ఇండియా (RBI) ఇప్పటివరకు రూ.500 నోట్లు (500 Notes) రద్దు చేయాలని ఎలాంటి ఆదేశాలు జారీ చేయలేదని స్పష్టంగా తెలిపింది. ఈ నోట్లు చెల్లుబాటులోనే ఉన్నాయని పేర్కొంది.
తప్పుడు ప్రచారానికి మూలం ఏప్రిల్ సర్క్యులర్?
ఈ అవాస్తవ ప్రచారానికి మూలం, ఏప్రిల్లో RBI విడుదల చేసిన ఒక సర్క్యులర్ అని నిపుణులు చెబుతున్నారు. ఆ సర్క్యులర్లో బ్యాంకులు, వైట్ లేబుల్ ATM ఆపరేటర్లకు (WLAOs) చిన్న విలువ గల నోట్లు — ముఖ్యంగా రూ.100, రూ.200 నోట్లు ATMల్లో అందుబాటులో ఉండేలా చర్యలు తీసుకోవాలని సూచించారు. కానీ ఇందులో ఎక్కడా రూ.500 నోట్లు రద్దు చేయాలన్నది లేదా పంపిణీ ఆపాలని సూచన లేదని అధికారిక వర్గాలు తెలిపారు.
ప్రజలకు సూచన:
ఇలాంటి అప్రమత్తతలు లేకుండా తప్పుడు సమాచారం నమ్మకుండా, ఎప్పుడైనా కేంద్ర బ్యాంక్ లేదా అధికారిక వర్గాల ప్రకటనలనే నమ్మాలని PIB సూచించింది. రిజర్వ్ బ్యాంక్ నుంచి స్పష్టమైన ప్రకటనలు లేకుండా ఏయే నోట్ల చెల్లుబాటు నిలిపివేశారన్నది నమ్మకూడదు.
సూచన: మీ వద్ద ఉన్న రూ.500 నోట్లు చెల్లుబాటులోనే ఉన్నాయి. వాటిని గడపాల్సిన అవసరం లేదు. సోషల్ మీడియాలో వచ్చే పుకార్లను క్రాస్ చెక్ చేయకుండానే నమ్మకండి.
Also Read : Youtube Shocking : ఇకపై యూట్యూబ్ నుంచి ఆ వీడియోలకు నో మనీ